ყალბი საგადასახადო დოკუმენტის დამზადება-გასაღების ფაქტზე ორი პირი დააკავეს
ფინანსთა სამინისტროს საგამოძიებო სამსახურის თანამშრომლებმა,
ჯგუფურად, ყალბი საგადასახადო დოკუმენტის დამზადება-გასაღების ფაქტზე
ორი პირი დააკავა.
უწყების ინფორმაციით, ბრალდებულებმა, მათ მფლობელობაში არსებული
საწარმოს მეშვეობით, 20 000 ლარის სანაცვლოდ, 196 690 ლარის
ღირებულების მომსახურების გაწევასთან დაკავშირებული ყალბი ელექტრონული
საგადასახადო ანგარიშ-ფაქტურა გამოწერეს. გაყალბებული დოკუმენტის
მიხედვით,ჩასათვლელმა დამატებული ღირებულების გადასახადმა 30 003 ლარი
შეადგინა.
საქმეზე გამოძიება, საქართველოს სისხლის სამართლის კოდექსის
210-ემუხლის II ნაწილის “ა“ ქვეპუნქტით გრძელდება, რაც სასჯელის ზომად
ითვალისწინებს თავისუფლების აღკვეთას 4-დან 7 წლამდე ვადით.
მასალის გამოყენების პირობები