იანვრის თვეში კახეთში ხე-ტყის უკანონო მოპოვების 49 ფაქტი გამოვლინდა
გარემოსდაცვითი ზედამხედველობის დეპარტამენტისა და ეროვნული სატყეო
სააგენტოს თანამშრომლებმა, პირველიდან 15 იანვრის ჩათვლით, ხე-ტყის
უკანონო მოპოვებისა და ტრანსპორტირების 162 შემთხვევა გამოავლინეს.
უწყების ინფორმაციით, ყველაზე მეტი - 49 ფაქტი კახეთის რეგიონული
სამმართველოს სამოქმედო ტერიტორიაზე დაფიქსირდა. აჭარის რეგიონული
სამმართველოს მასშტაბით გამოვლინდა - 21 ფაქტი, დასავლეთის რეგიონული
სამმართველოს სამოქმედო ტერიტორიაზე - 28 ფაქტი, სამეგრელო-ზემო
სვანეთის რეგიონული სამმართველოს მასშტაბით - 5 ფაქტი, აღმოსავლეთის
რეგიონული სამმართველოს ტერიტორიაზე - 14 ფაქტი, ქვემო ქართლის
მასშტაბით - 19 ფაქტი, ხოლო სამცხე-ჯავახეთის რეგიონული სამმართველოს
სამოქმედო ტერიტორიაზე - 26 ფაქტი. ჯამში, ამოღებულია უკანონოდ
მოპოვებული 412 მ3-მდე ხე-ტყე.
ამავე პერიოდში, სახერხი საამქროს რეგლამენტის დარღვევის 14 ფაქტი
დაფიქსირდა. ამოღებულია და ფინანსთა სამინისტროს მომსახურების
სააგენტოშია გადატანილი ერთი ერთეული დაურეგისტრირებელი სახერხი
დანადგარი. მასალები, შემდგომი რეაგირებისთვის, შესაბამის უწყებებშია
გადაგზავნილი.
მასალის გამოყენების პირობები