კახეთის პოლიციის დეპარტამენტის გურჯაანის რაიონული სამმართველოს
თანამშრომლებმა წარსულში ნასამართლევი და ამჟამად პირობითი მსჯავრის
ქვეშ მყოფი, 1991 წელს დაბადებული ლ.კ., ქურდობის ბრალდებით,
გურჯაანში დააკავეს.
როგორც speqtri.ge-ს უწყებაში განუცხადეს,გამოძიებით დადგინდა, რომ
ბრალდებულმა გურჯაანში, აგრარული ბაზრის ტერიტორიაზე მდებარე
მაღაზიიდან სხვადასხვა დასახელების სიგარეტი და პროდუქტი მოიპარა, რის
შემდეგაც შემთხვევის ადგილიდან მიიმალა.
სამართალდამცველებმა, ჩატარებული ოპერატიულ-სამძებრო და საგამოძიებო
მოქმედებების შედეგად, დაკავებულის პირადი და საცხოვრებელი სახლის
ჩხრეკისას, მაღაზიიდან მოპარული პროდუქტები ნივთმტკიცებად
ამოიღეს.
გამოძიება ქურდობის ფაქტზე, საქართველოს სსკ-ს 177-ე მუხლის მე-2
ნაწილის „ბ“ ქვეპუნქტით მიმდინარეობს. ჩადენილი დანაშაული 3-დან 5
წლამდე თავისუფლების აღკვეთას ითვალისწინებს.
მასალის გამოყენების პირობები