კახეთის პოლიციის დეპარტამენტის სიღნაღის რაიონული სამმართველოს თანამშრომლებმა, ის პირი დააკავეს, რომელიც გუშინ სოფელ ნუკრიანში ამერიკელი ბიზნესმენის ოჯახს თავს დაესხა.
ეს ინფორმაცია speqtri.ge-ს შინაგან საქმეთა სამინისტროში დაუდასტურეს.

გამოძიება სისხლის სამართლის კოდექსის 187-ე მუხლით მიმდინარეობს, რაც სხვისი ნივთის დაზიანებას, ან განადგურებას გულისხმობს.

ბიზნესმენის განცხადებით, თავდამსხმელი ღვინის თვითნებურად წაღებას ცდილობდა, რისი საშუალებაც არ მისცეს. ის მოკვლით დაემუქრათ, შემდეგ კი ოჯახის კუთვნილი ავტომანქანა ნაჯახით დააზიანა.