კახეთის პოლიციის დეპარტამენტის თელავის რაიონული სამმართველოს
თანამშრომლებმა, ჩატარებული ოპერატიულ-სამძებრო და საგამოძიებო
მოქმედებების შედეგად, 1981 წელს დაბადებული უ.კ., ქურდობის
ბრალდებით, ცხელ კვალზე დააკავეს.
უწყების ინფორმაციით, გამოძიებამ დაადგინა, რომ ბრალდებულმა მიმდინარე
წლის 3 სექტემბერს თელავის რაიონის სოფელ შალაურში 3 საცხოვრებელი
სახლი გაქურდა, საიდანაც ოქროს სამკაულები და ფული მოიპარა.
სამართალდამცველებმა უ.კ. ცხელ კვალზე დააკავეს, ნაქურდალი ნივთები კი
ნივთმტკიცებად ამოიღეს.
გამოძიება ქურდობის ფაქტებზე, საქართველოს სისხლის სამართლის კოდექსის
177-ე მუხლის მე-3 ნაწილის „გ“ ქვეპუნქტით მიმდინარეობს. დანაშაულის
4-დან 7 წლამდე ვადით თავისუფლების აღკვეთას ითვალისწინებს.
მასალის გამოყენების პირობები