გურჯაანის რაიონულმა სასამართლომ, სოფელ ველისციხეში გამართული აქციისას, "ნაციონალური მოძრაობის" წევრზე განხორციელებულ ფიზიკურ შეურაცხყოფაში ბრალდებულ გოჩა მაისურაძეს და მამუკა უსენიშვილს აღკვეთი ღონისძიების სახით ორთვიანი წინასწარი პატიმრობა შეუფარდა.
დაკავებულებს ბრალი სსკ-ის 118-ე მუხლის მესამე ნაწილით აქვთ წარდგენილი, რაც ჯანმღთელობის განზრახ ნაკლებად მძიმე დაზიანებას გულისხმობს. დანაშაული 3-დან 5 წლამდე თავისუფლების აღკვეთას ითვალისწინებს.

დაცვის მხარე სასამართლოს გადაწყვეტილების გასაჩივრებას სააპელაციო სასამართლოში აპირებს.