კახეთის პოლიციის დეპარტამენტის სიღნაღის რაიონული სამმართველოს თანამშრომლებმა, ჩატარებული საგამოძიებო მოქმედებების შედეგად, 1961 წელს დაბადებული კ.დ. ქურდობის ფაქტზე ამხილეს.
უწყების ინფორამციით, გამოძიებამ დაადგინა, რომ კ.დ.-მ სოფელ ერისიმედის მიმდებარე ტერიტორიაზე, მინდორში, ეკონომიკის სამინისტროს კუთვნილი სარწყავი არხიდან რკინა-ბეტონის ფილები მოიპარა.

პოლიციამ მოპარული ფილები ნივთმტკიცების სახით ამოიღო.

გამოძიება ქურდობის ფაქტზე, სისხლის სამართლის კოდექსის 177-ე მუხლის მე-2 ნაწილით მიმდინარეობს.