კახეთის პოლიციის დეპარტამენტის გურჯაანის რაიონული სამმართველოს თანამშრომლებმა, ჩატარებული საგამოძიებო მოქმედებების შედეგად, სოფელ ვეჯინში მდებარე ბიბლიოთეკის ინვენტარის დაზიანების ფაქტზე ორი არასრულწლოვანი გამოავლინეს.
სამინისტროს ინფორმაციით, გამოძიებამ დაადგინა, რომ მოზარდებმა მიმდინარე წლის 7 აპრილს სოფელ ვეჯინში ბიბლიოთეკის ინვენტარი დააზიანეს, შენობაში დაცული წიგნები დახიეს, ასევე, ავეჯის და ნივთების დაწვა სცადეს.

ორივე არასრულწლოვანი აღიარებს ჩადენილ დანაშაულს. გამოძიება სხვისი ნივთის დაზიანების ან განადგურების ფაქტზე მიმდინარეობს, სსკ-ს 187-ე მუხლით.