შსს კახეთის პოლიციის დეპარტამენტის თანამშრომლებმა, სოფელ აფენში
ნარკოტიკული საშუალებების უკანონო შეძენა-შენახვა-გასაღების
ბრალდებით, 1972 წელს დაბადებული ე.ა დააკავეს.
უწყების ინფორმაციით, დაკავებული ნარკოტიკებს სისტემატურად ყიდდა.
სამართალდამცველებმა, მოსამართლის განჩინების საფუძველზე,
ბრალდებულისგან ნარკოტიკული საშუალებების საკონტროლო შესყიდვა და
აღნიშნული შესყიდვების ფარული აუდიო-ვიდეო ჩაწერა განახორციელეს.
პოლიციამ ე.ა.-ს მიერ უკანონოდ გაყიდული, განსაკუთრებით დიდი ოდენობით
ნარკოტიკული საშუალება "ჰეროინი" ნივთმტკიცების სახით ამოიღო.
ნარკოტიკული საშუალებების შეძენა-შენახვის და გასაღების ფაქტზე
გამოძიება საქართველოს სისხლის სამართლის კოდექსის 260-ე მუხლის მე-5
და მე-6 ნაწილებით მიმდინარეობს. დანაშაული 8-დან 20 წლამდე ან უვადოდ
თავისუფლების აღკვეთას ითვალისწინებს.
მასალის გამოყენების პირობები