ყვარელში უკანონო ცეცხლსასროლი იარაღის შენახვისთვის 2 პირი დააკავეს
შინაგან საქმეთა სამინისტროს კახეთის პოლიციის დეპარტამენტის
თანამშრომლებმა, 1964 წელს დაბადებული, წარსულში მრავალჯერ
ნასამართლევი გ.თ. და 1972 წელს დაბადებული ი.ს. ცეცხლსასროლი იარაღის
და საბრძოლო მასალის უკანონო შეძენა-შენახვის ბრალდებით დააკავეს
, - აღნიშნულ ინფორმაციას შინაგან საქმეთა სამინისტრო ავრცელებს.
„პოლიციამ ყვარელში, დაკავებულების საცხოვრებელ სახლებში მოსამართლის
განჩინების საფუძველზე ჩატარებული ჩხრეკის შედეგად, ავტომატური
ცეცხლსასროლი იარაღი, მჭიდები, საბრძოლო ვაზნები, 1 მცირეკალიბრიანი
შაშხანა და 2 სანადირო თოფი ნივთმტკიცების სახით ამოიღო. ცეცხლსასროლი
იარაღის და საბრძოლო მასალის მართლსაწინააღმდეგო შეძენა-შენახვის
ფაქტზე გამოძიება საქართველოს ს სკ-ის 236-ე მუხლის მე-3 ნაწილით
მიმდინარეობს.“ - აცხადებენ შსს-ში.
დანაშაული 3-დან 6 წლამდე თავისუფლების აღკვეთას ითვალისწინებს.
მასალის გამოყენების პირობები