გარემოს დაცვისა და სოფლის მეურნეობის
სამინისტროს გარემოსდაცვითი ზედამხედველობის დეპარტამენტის
თანამშრომლებმა ხე-ტყის უკანონო ტრანსპორტირებისა და
ჭრა-ტრანსპორტირების 23 ფაქტი გამოავლინეს. მათგან 9
სამართალდარღვევაგამოვლენილია კახეთის რეგიონული სამმართველოს
თანამშრომლების მიერ.
- საგარეჯოს მუნიციპალიტეტში, მოქალაქეები უკანონოდ მოპოვებული
ხე-მცენარეებისგან დამზადებული 5,5 კუბური მეტრი წიფლისა და 0,7
კუბური მეტრი რცხილის სახეობის ხე-მასალის ტრანსპორტირებას
ახდენდნენ.
- ახმეტის მუნიციპალიტეტში მოქალაქემ უკანონოდ მოჭრა 6 ერთეული
თხმელის (მურყანი) სახეობის ხე-მცენარე და მისგან მიღებულ 31 ერთეული
მრგვალი ხე-ტყის (მორი) უკანონო ტრანსპორტირებას ახდენდა.
- მეორე სამართალდამრღვევი კი, 62 ერთეული დაუფირნიშებელი მორის
უკანონო ტრანსპორტირებას ახორციელებდა.
- ლაგოდეხის მუნიციპალიტეტში, შპს „ფაუნასა“ და ჭიაურის ტყეებში,
მოქალაქეებმა უკანონოდ მოპოვებული კაკლის, აკაციისა და ჭალის მუხის
სახეობის ხე-მცენარეებისგან მიღებული 3 ერთეული მორის, 5 ერთეული
კოტრისა და 0,7 კუბური მეტრი აკაციის სახეობის საშეშე-მერქნის
ტრანსპორტირება განახორციელეს.
„5 სამართალდარღვევა გამოავლინეს
ქვემო-ქართლის რეგიონული სამმართველოს თანამშრომლებმა, 5-
სამცხე-ჯავახეთის რეგიონული სამმართველოს თანამშრომლებმა, 3 -
აღმოსავლეთის რეგიონული სამმართველოს თანამშრომლებმა,1 კი
გარემოსდაცვითი პატრულირებისა და სწრაფი რეაგირების სამსახურის
თანამშრომლებმა კახეთის რეგიონული სამმართველოს თანამშრომლებთან
ერთად.
საგარეჯოს მუნიციპალიტეტში, გადამოწმების მიზნით შეჩერებული სატვირთო
ავტომანქანის ძარაზე, მოქალაქეს განთავსებული ჰქონდა 2 კუბური მეტრი
მოცულობის წიფლის სახეობის საშეშე მერქანი. მძღოლმა ვერ წარმოადგინა
შესაბამისი დოკუმენტაცია. “ - აღნიშნავენ გარემოსდაცვითი
ზედამხედველობის დეპარტამენტში.
მათივე ცნობით, სულ ამოღებულია სხვადასხვა სახეობის 203 ერთეული
მრგვალი ხე-ტყე (მორი), 27 კუბურ მეტრამდე მოცულობის ხე-ტყე (საშეშე
მერქანი, კოტრი) და 6,3 კუბური მეტრი მოცულობის პირველადი
გადამუშავების პროდუქტი (ფიცარი).
იმ საქმის მასალები, სადაც სისხლის სამართლებრივი დანაშაულის ნიშნები
გამოიკვეთა, შესაბამის უწყებებში გადაიგზავნა.
მასალის გამოყენების პირობები