ველისციხეში მომხდარ მკვლელობის ფაქტზე 32 წლის კაცი დააკავეს [Video]
15:56 / 04.07.2023
შინაგან საქმეთა სამინისტროს კახეთის პოლიციის დეპარტამენტის
თანამშრომლებმა, 1991 წელს დაბადებული, წარსულში ნასამართლევი გ.ფ.
დააკავეს. მას დამამძიმებელ გარემოებაში 2 პირის მიმართ ჩადენილი
განზრახ მკვლელობა ედება ბრალად.
დანაშაული 20 წლამდე ან უვადო თავისუფლების აღკვეთას
ითვალისწინებს.
„გამოძიებით დადგინდა, რომ ბრალდებულმა გურჯაანის მუნიციპალიტეტის
სოფელ ველისციხეში, ურთიერთშელაპარაკების ნიადაგზე თანასოფლელებს -
1952 წელს დაბადებულ გ.კ.-ს და ამავე წელს დაბადებულ მ.ზ.-ს,
ცეცხლსასროლი იარაღიდან რამდენიმე გასროლით სასიკვდილო ჭრილობები მიაყენა და შემთხვევის
ადგილიდან მიიმალა. სამართალდამცველებმა ჩატარებული საგამოძიებო
მოქმედებების შედეგად, ბრალდებული მომხდარიდან მალევე, ცხელ კვალზე
დააკავეს.“ - აცხადებენ შსს-ში.
მათივე ცნობით, გამოძიება საქართველოს სისხლის სამართლის კოდექსის
109-ე მუხლით მიმდინარეობს. ამ დროისთვის უცნობია, რა გახდა
მკვლელობის მიზეზი.
მასალის გამოყენების პირობები