გომბორის უღელტეხილზე, ავტოსაგზაო შემთხვევის შედეგად 35 წლის მამაკაცი დაიღუპა, ორი ადამიანი კი დაშავდა. ერთმანეთს  ორი მსუბუქი ავტომობილი შეეჯახა.
გარდაცვლილი თელავის მუნიციპალიტეტის სოფელ ყარაჯალის მკვიდრია.

დაშავებულები სასწრაფო-სამედიცინო დახმარების ბრიგადამ თბილისის პირველ კლინიკურ საავადმყოფოში გადაიყვანა.

შინაგან საქმეთა სამინისტროს ინფორმაციით,  გამოძიება სისხლის სამართლის კოდექსის 276-ე მუხლის მე-5 ნაწილით მიმდინარეობს, რაც  ტრანსპორტის მოძრაობის უსაფრთხოების ან ექსპლუატაციის წესის დარღვევას გულისხმობს, რამაც ადამიანის სიცოცხლის მოსპობა გამოიწვია.