ხანძარი იყო ყვარლის მუნიციპალიტეტის სოფელ ენისელში. დამწვარია სამი საცხოვრებელი სახლი.
ადგილობრივების ინფორმაციით, ცეცხლი ჯერ მიტოვებულ სახლში გაჩნდა. აალება იმდენად ძლიერი იყო, რომ ის სხვა საცხოვრებელზეც გადავიდა.

ადგილზე ორი მუნიციპალიტეტის  5 სამაშველო ბრიგადა მუშაობდა. წინასწარი ინფორმაციით, ხანძრის გამომწვევი მიზეზი, სავარაუდოდ, გაუმართავი ელექტროსადენები გახდა.

როგორც speqtri.ge-ს საგანგებო სიტუაციების მართვის სამსახურში განუცხადეს, ხანძარი ამ დროისთვის უკვე ლიკვიდირებულია.