გომბორზე ავარიისას დაშავებული 21 ადამიანი თელავის რეფერალურ საავადმყოფოშია გადაყვანილი
გომბორის უღელტეხილზე, სოფელ კობაძეებთან მომხდარი ავარიის შედეგად,
თელავის რეფერალურ საავადმყოფოში ამ დროისთვის 21 დაშავებულია
გადაყვანილი.
-"12 ბავშვია, დანარჩენი მშობლები. ბავშვები დაახლოებით 8-9 წლისები
არიან. ამ წუთებში მათ შესაბამისი გამოკვლევები უტარდებათ.
ჯანმრთელობის ზუსტი მდგომარეობის შესახებ გამოკვლევების შემდეგ
გვექნება ზუსტი პასუხი.“- განაცხადა საავადმყოფოს დირექტორმა ხათუნა
ჭონიაშვილმა.
ცნობისთვის, დღეს, სოფელ კობაძეებთან, ავტობუსი, რომელსაც თბილისის
175-ე სკოლის მოსწავლეები კახეთში ექსკურსიაზე მიჰყავდა, რამდენიმე
მეტრის სიმაღლიდან ხრამში გადავარდა.
მასალის გამოყენების პირობები