გომბორის უღელტეხილზე, გვიან ღამით მომხდარი ავარია მსხვერპლით დასრულდა. შემთხვევის შედეგად, ერთი ადამიანი გარდაიცვალა, სამი კი დაშავდა.
სასწრაფო დახმარების ბრიგადამ დაშავებულები თელავის რეფერალურ საავადმყოფოში გადაიყვანა. საავადმყოფოს დირექტორის, ხათუნა ჭონიაშვილის ინფორმაციით, ერთ-ერთ მათგანს მუცლის ღრუს დაზიანება აღენისშნებოდა და ოპერაცია ჩაუტარდა, ორს კი ტვინის შერყევა და გულმკერდის ტრავმა ჰქონდა.

შინაგან საქმეთა სამინისტროს ინფორმაციით , მომხდარზე გამოძება სისხლის სამართლის კოდექსის 276-ე მუხლის მე-5 ნაწილით მიმდინარეობს, რაც გულისხმობს ტრანსპორტის მოძრაობის უსაფრთხოების ან ექსპლუატაციის წესის დარღვევას გულისხმობს, რამაც სიცოცხლის მოსპობა გამოიწვია.