საზოგადოება
აირბალონიანი მანქანების ტექდათვალიერება- უსაფრთხოება თუ ბიუჯეტის შევსების გზა
აირბალონზე მომუშავე ავტომანქანების სავალდებულო ტექდათვალიერებას ორი აკრედიტებული კომპანია, შპს " აირბალონი" და შპს "გაზინჟინერი" ახორციელებს. როგორც speqtri.ge-მ გაარკვია, შემოწმება ამ დროისთვის 37-მა ავტომანქანამ გაიარა, მათგან სტანდარტები ვერცერთმა დააკმაყოფილა.
მძღოლებს ტექდათვალიერება 90-დან 130 ლარამდე უჯდებათ.

“ჩვენთან 7 მანქანა შემოწმდა, მაგრამ სტანდარტებში ვერც ერთი ვერ ჩაჯდა. პატარ-პატარა პრობლემები იყო, ეს ჩვენ თავად მოვაგვარეთ და შესაბამისობის სერტიფიკატიც გავეცით. თუ სერიოზულ ხარვეზზეა საუბარი, მაშინ საწარმოში გავაგზავნით. ამ ეტაპზე მომსახურების ცენტრი მხოლოდ თბილისში გვაქვს, ჯერჯერობით არა მგონია რეგიონში განთავსებაზე ვიფიქროთ,“- აღნიშნა „აირბალონის“ კლიენტთა მომსახურების მენეჯერმა გიორგი ხვედელიძემ.

შპს „გაზინჟინერმა“ სავალდებულო ტექდათვალიერება ერთი თვეა დაიწყო და 30 მანქანა შეამოწმა.
„ცუდი მდგომარეობაა, სტანდარტებში ვერც ერთი ვერ ჩაჯდა. ისინი სპეციალურ ხელოსანთან გავაგზავნეთ, შემდეგ ისევ ჩვენთან მოვიდნენ და თავიდან შევამოწმეთ. მათ 10-დღიანი ვადა აქვთ ხარვეზის გამოსასწორებლად, თუ დროში ჩაეტევიან, დამატებითი თანხის გადახდა აღარ მოუწევთ. ამჟამად, ოფისი გვაქვს თბილისსა და ქუთაისში, მოთხოვნა თუ მაღალი იქნება, სხვა რეგიონებშიც გავხსნთ,“- აღნიშნა „აირბალონის“ დამფუძნებელმა ნუკრი მაჭარაშვილმა.

სავალდებულო ტექდათავალიერების ვადები ავტომანქანის ასაკის მიხედვითაა განსაზღვრული და ამას მთავრობის დადგენილება არეგულირებს.

„დადგინდა კატეგორიები, რომელმა ავტომანქანამ რა ვადაში უნდა გაიაროს შემოწმება. 24 და მეტი წლის ავტომობილები, რომელთაც მგზავრების გადაყვანა ევალება, ტექდათვალიერებას გაივლიან 2017 წლის პირველ იანვრამდე. მერე მოდის 20-დან 23 წლამდე ასაკის, მათ დრო 2018 წლის პირველ ივნისამდე აქვთ და ა.შ. 2019 წლამდე აღნიშნული პროცესი დასრულდება. როგორც მოგეხსენებათ, აკრედიტაცია ორმა კომპანიამ გაიარა, დაფიქსირებულია კიდევ ორი განაცხადი და მუშაობა მიმდინარეობს. იმ შემთხვევაში, თუ სატრანსპორტო საშუალებამ კრიტერიუმები ვერ დააკმაყოფილა, კომპანია აძლევს გარკვეულ დროს შეუსაბამობის აღმოსაფხვრელად, თუ მეორედაც იგივე დარღვევა გამოვლინდა, არ გაიცემა ე.წ. ფირნიში, რომელიც ადასტურებს, რომ ავტომობილი ვარგისია. თუ რომელიმე კომპანიას რეგიონში ტექდათავლიერების განხორციელების სურვილი ექნება, მოგვმართოს და აკრედიტაციას გავატარებთ. ჯერჯერობით ასეთი არავინ გამოჩენილა.“- აღნიშნა ეკონომიკის სამინისტროს აკრედიტაციის ცენტრის გენერალური დირექტორის მოადგილემ მალხაზ ხარებავამ.

მისივე თქმით, ვინც შემოწმება აღნიშნული დადგენილების მიღებამდე გაიარა და აქვს ვადიანი საბუთი, მანქანის ტექდათვალიერება თავიდან მოუწევს.
„ მთავრობის მე-80-ე დადგენილებაში ცალსახად არის მითითებული, რომ აირბალონზე მომუშავე ავტოსატრანსპორტო საშუალებების შემოწმება მხოლოდ აკრედიტებულმა პირმა უნდა განახორციელოს.“

ტრანსპორტისა და გზების ასოციაციის თავმჯდომარე დავით მესხიშვილი მიიჩნევს, რომ აღნიშნული საკითხი მოუმზადებელია. მათი ორგანიზაცია მსგავსი ფორმით აირბალონიანი მანქანების შემოწმების წინააღმდეგია.
„ორი კომპანია, რომელიც აღნიშნულ ტექდათვალიერებას ახორციელებს, სახელდახელოდ შეიქმნა. აქ უნდა მივიდეს დაახლოებით 300 000-მდე ავტომობილი, ეს ტექნიკურად შეუძლებელი და წარმოუდგენელია. საკითხი უპასუხისმგებლოდაა მომზადებული. ჩვენი ინიციატივაა, გაზის სისტემები შემოწმდეს მაშინ, როდესაც ტექდთვალიერება გახდება სავალდებულო. მძღოლმა რა ქნას, გაზის სისტემა ცალკე ამოწმოს, სამუხრუჭე და საჭის ცალკე?! ეს დანაწევრება მიუღებელია და მხარს არ ვუჭერთ. ვფიქრობ, საქმე გვაქვს ბიუჯეტის შევსებასთან და ვიღაცის ბიზნესინტერესთან.“

ბიუჯეტის შევსების გამო შემოღებულ ცვლილებაზე საუბრობს მძღოლების ნაწილიც.
ხალხი მშიერია, ვტაქსაობ იმისთვის, რომ ლუკმა პურის ფული მაინც ვიშვო. ჩვენ ეგ ზედმეტი ხარჯიღა გვინდოდა?! ეს იგივეა, ჯიბიდან ფული ამოგვარიდონ და ცოლ-შვილი მშიერი დაგვიტოვონ. ალბათ, მთავრობას ეს ბიუჯეტის შესავსებად სჭირდება. ჩემი მანქანა 22 წლისაა, ვენახშიც ამით დავდივარ და ვტაქსაობ კიდეც, აბა რა ვქნა? მე არ მინდა კარგი ავტომობილით ვიარო?!“- ამბობს ვალერი ზირაქაშვილი.

აღნიშნულთან დაკავშირებით აზრი გურჯაანელმა ირაკლი სესიაშვილმაც გამოთქვა.
„ჩემი მანქანა 1989 წელშია გამოშვებული, მაგრამ რა ვქნა, რით ვიარო, როცა ახლის ყიდვის საშუალება არ მაქვს. დათვალიერება მაშინ უნდა შემოიღონ, როდესაც ქვეყანაში ყველა პრობლემას მოაგვარებენ. პური ვერ გვიყიდია, რომ სახლში წავიღოთ და ეს ხარჯიღა გვეკლდა!“

აქვე განვმარტავთ, რომ მძღოლებს ტექდათვალიერების გავლა 3-5 წელიწადში ერთხელ მოუწევთ. თუკი ისინი შესაბამისობის სერტიფიკატის გარეშე იმოძრავებენ, საპატრულო პოლიცია მათ 100 ლარით დააჯარიმებს.
გთავაზობთ იმ კომპანიების მისამართებს, სადაც მანქანის ტექდათავლიერებაა შესაძლებელი. შპს „აირბალონის“ მისამართია- თბილისი, მექანიზაციის ქუჩა #1, „გაზინჟინერის“ კი თბილისი, გაბაშვილის ქუჩა #7.


აირბალონზე მომუშავე ავტომობილების ტექდათვალიერების ვადები იხილეთ ინფოგრაფიკაზე:


| Print |  E-mail
FaceBook Twitter Google
ამავე კატეგორიაში
საქართველოს მელიორაციის ინფორმაციით, გურჯაანისა და საგარეჯოს
მუნიციპალიტეტებში, ქვემო სამგორის სარწყავი სისტემის რამდენიმე
მონაკვეთზე აღდგენითი სამუშაოები დაიწყო.
საქართველოს მელიორაციის ინფორმაციით, გურჯაანისა და საგარეჯოს მუნიციპალიტეტებში, ქვემო სამგორის სარწყავი სისტემის რამდენიმე მონაკვეთზე აღდგენითი სამუშაოები დაიწყო.
12:43 / 21.08.2019
ქალაქ გურჯაანიდან სოფელ ზიართან დამაკავშირებელი გზა ავარიულ
მდგომარეობაშია. როგორც მძღოლები ამბობენ, გარდა იმისა, რომ ასფალტის
საფარი დაზიანებულია, პრობლემაა დამეწყრილი მონაკვეთები და გზის
სივიწროვე, რაც ავარიულ სიტუაციას ქმნის.
ქალაქ გურჯაანიდან სოფელ ზიართან დამაკავშირებელი გზა ავარიულ მდგომარეობაშია. როგორც მძღოლები ამბობენ, გარდა იმისა, რომ ასფალტის საფარი დაზიანებულია, პრობლემაა დამეწყრილი მონაკვეთები და გზის სივიწროვე, რაც ავარიულ სიტუაციას ქმნის.
17:29 / 20.08.2019
გარემოს ეროვნული სააგენტოს ინფორმაციით, 23 აგვისტოს ჩათვლით,
აღმოსავლეთ საქართველოში ცხელი და უმეტესად უნალექო ამინდი იქნება.
ჰაერის ტემპერატურა +32, +37 გრადუსია მოსალოდნელია.
გარემოს ეროვნული სააგენტოს ინფორმაციით, 23 აგვისტოს ჩათვლით, აღმოსავლეთ საქართველოში ცხელი და უმეტესად უნალექო ამინდი იქნება. ჰაერის ტემპერატურა +32, +37 გრადუსია მოსალოდნელია.
11:31 / 20.08.2019
გურჯანაში თანამედროვე სტანდარტების შესაბამისი ბაზრის მშენებლობა
დაახლოებით 2 თვის წინ დაიწყეს.
გურჯანაში თანამედროვე სტანდარტების შესაბამისი ბაზრის მშენებლობა დაახლოებით 2 თვის წინ დაიწყეს.
11:04 / 20.08.2019
ახალი სასწავლო წლიდან გურჯაანის საბავშვო ბაგა-ბაღებში კვების
რაციონი შეიცვლება. მუნიციპალიტეტის მერის მოადგილის ლელა
თევდორაშვილის განმარტებით, ბავშვებს ოთხჯერადი კვება ექნებათ.
ახალი სასწავლო წლიდან გურჯაანის საბავშვო ბაგა-ბაღებში კვების რაციონი შეიცვლება. მუნიციპალიტეტის მერის მოადგილის ლელა თევდორაშვილის განმარტებით, ბავშვებს ოთხჯერადი კვება ექნებათ.
18:42 / 19.08.2019
სხვა ამბები
ერთიანი ეროვნული გამოცდების პირველადი შედეგების გამოქვეყნების შემდეგ სააპელაციო განაცხადების მიღება დაიწყო.
11:02 / 07-08-2019
შეფასებისა და გამოცდების ეროვნულმა ცენტრმა დღეს კიდევ ხუთი საგნის: მათემატიკის, ქიმიის, ფიზიკის, გეოგრაფიის და ბიოლოგიის გამოცდების შედეგები გამოაქვეყნა.
14:55 / 05-08-2019
შეფასებისა და გამოცდების ეროვნულმა ცენტრმა დღეს უკვე ქართული ენისა და ლიტერატურის გამოცდის შედეგები გამოაქვეყნა.
11:39 / 01-08-2019
დღეს, შეფასებისა და გამოცდების ეროვნული ცენტრის ვებ-გვერდზე ზოგადი უნარების გამოცდის შედეგები გამოქვეყნდა.
15:40 / 31-07-2019
სტუდენტთა საშემოდგომო მობილობის ვადები ცნობილია. რეგისტრაცია 31 ივლისს დაიწყება და 21 აგვისტოს დასრულდება.  
15:53 / 29-07-2019
გურჯაანის მუნიციპალიტეტის 24 საჯარო სკოლაში 2019-2020 სასწავლო წლისთვის 619 პირველკლასელი დარეგისტრირდა. გურჯაანის საგანმანათლებლო რესურსცენტრის ხელმძღვანელის დალი მინდიაშვილის განმარტებით, რიცხვი შარშანდელთან შედარებით გაზრდილია.
15:32 / 25-07-2019
ვალუტა
EUR
EUR
1
3.0536
USD
USD
1
2.5751
GBP
GBP
1
3.4411
TRY
TRY
1
0.6764
RUB
RUB
100
4.4602
ამინდი
გურჯაანი 1 / 11 °C
img
საგარეჯო 1 / 8 °C
img
დ.წყარო 2 / 7 °C
img
სიღნაღი 1 / 11 °C
img
ლაგოდეხი 3 / 11 °C
img
ყვარელი 1 / 11 °C
img
თელავი 3 / 10 °C
img
ახმეტა 2 / 10 °C
img
კალენდარი
«« აგვისტო 2019 »»
293031 1 2 3 4
5 6 7 8 9 10 11
12 13 14 15 16 17 18
19 20 21 22 23 24 25
26 27 28 29 30 31 1

speqtri.ge შენი ვებგვერდი


მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.