14 ივლისს ფრანგი ხალხი ბასტილიის აღების დღეს ზეიმობს. გურჯაანის
სამედიცინო ცენტრ „კახეთი-იონში“ ეს თარიღი საზეიმო ვითარებაში
აღნიშნეს.
„მინდა პირველ რიგში ფრანგ ხალხს მივულოცო საფრანგეთის ეროვნული
დღესასწაული. ჩვენ, როგორც ქართულ-ფრანგული სამედიცინო დაწესებულება,
მათ საპატივსაცემოდ აღვნიშნავთ დღევანდელ დღეს. ფრანგულმა მხარემ
ბევრი რამე გააკეთა ჩვენი კლინიკისთვის,“- გვითხრა სამედიცინო ცენტრ
„კახეთი-იონის“ გენერალურმა დირექტორმა ნარგიზ ზიბზიბაძემ.
"კახეთი-იონის" შენობა და ეზო დღევანდელ დღესთან დაკავშირებით
ფრანგული დროშებითა და სხვადასხვა სიმბოლოებით მორთეს. როგორც
მედპერსონალმა აღნიშნა, საფრანგეთის მიმართ პატივისცემა ამ
მოკრძალებული ღონისძიებით გამოხატეს.
მასალის გამოყენების პირობები