საქართველოს პრეზიდენტმა დღეს შეწყალების მორიგი აქტი გამოსცა, რომლის საფუძველზეც 226 მსჯავრდებული შეიწყალა. ამის შესახებ შეწყალების კომისის თავმჯდომარემ ზვიად ქორიძემ დღეს გამართულ პრესკონფერენციაზე განაცხადა.
მისი თქმით, შეწყალებულთა შორის 11 ქალბატონი, ხოლო 3 არასრულწოვანია.

„შეწყალებული მსჯავრდებულებიდან 154 დღესვე დატოვებს სასჯელაღსრულების დაწესებულებებს, 72-ს კი სასჯელი შეუმცირდებათ“, - აღნიშნა ქორიძემ.

მისივე თქმით, შეწყალების კომისიამ 18-24 ივლისს სულ 1 564 პირის საქმე განიხილა.