დღეს და ხვალ, სოფელ ომალოში სახალხო დღესასწაული ,,მეცხვარის დღე -
თუშეთობა - 2016“ გაიმართება.
ღონისძიების ფარგლებში მოხდება ახალგაზრდა და გამოცდილ მწყემსთა
დაჯილდოება. ადგილობრივი და მოწვეული ჯგუფების მიერ გაიმართება
კონცერტი. შედგება მეცხვარეობის ტრადიციული საქმიანობის ჩვენება,
ცხვრის პარსვა, ბაგაში შერეკვა, ყველის ამოყვანა, თუშური ნაგაზის
გამოფენა - დემონსტრირება, მატყლის დართვა, ჩეჩვა, ქსოვა... ხალხური
რეწვის ნიმუშების გამოფენის დათვალიერება.
პარალელურად გაიმართება სპორტული ღონისძიებები: მშვილდოსნობა; ნაბადზე
ხტომა; ცხენის შეკაზმვა; ბაგირის გადაწევა; დოღი.
სპეციალურად მოწყობილ ფაცხაში სტუმრებს ექნებათ საშუალება თუშური
გარმონისა და სიმღერის ფონზე მიიღონ მონაწილეობა მომზადების პროცესში
და დააგემოვნონ ტრადიციული თუშური კერძები: ხავიწი, გორდილა, კოტორი,
ქუმელი, გუდის ყველი, მწვადი, ხინკალი, კახური შოთი, ღვინო და
არაყი.
21:00 საათზე ღონისძიება ფრანების გაშვებით დასრულდება.
მასალის გამოყენების პირობები