უცხო ქვეყნის მოქალაქეებზე სასოფლო-სამეურნეო დანიშნულების მიწა აღარ გაიყიდება. პარლამენტის აგრარულ საკითხთა კომიტეტის თავმჯდომარის ოთარ დანელიას განცხადებით, უცხოელებს მიწის დასაკუთრების უფლება არ ექნებათ, მათ მხოლოდ იჯარით სარგებლობა შეეძლებათ და ისიც გამონაკლის შემთხვევებში.

საზოგადოებისთვის საკითხი აქტუალური მას შემდეგ გახდა, რაც პარლამენტის თავმჯდომარე ირაკლი კობახიძემ განაცხადა, რომ ხელისუფლება შუალედურ მოდელს ირჩევდა, რომლის თანახმადაც უცხოელებზე მიწის მიყიდვა სრულად არ აიკრძალებოდა.