კაჭრეთის ზონის სოფლებში სეტყვისგან მიყენებული ზარალი უმნიშვნელოა
გურჯაანის მუნიციპალიტეტის გამგეობაში შექმნილმა სპეციალურმა
კომისიამ, კაჭრეთის ზონის სოფლებში 16 მაისს მოსული სეტყვისგან
მიყენებული ზარალი დაითვალა.
-"სეტყვასაწინააღმდეგო სისტემამ საკმაოდ ეფექტურად იმოქმედა, შედეგი
კარგი იყო. შედარებით მეტად დაისეტყვა მელაანი, დაახლოებით 20 ჰექტარ
ვენახში ზარალი 5-დან 10%-მდეა, დანარჩენ სოფელში სავარგულები
გადარჩა, აქ ზარალი ფაქტობრივად უმნიშვნელოა."- გვითხრა ქონების
მართვის, ეკონომიკური განვითარების, დაგეგმვისა და სტატისტიკის
განყოფილების უფროსმა სპეციალისტმა ჯემალ შალაშვილმა.
მისივე ინფორმაციით, კომისია აღნიშნულ მონაცემებს გუბერნიას
გადაუგზავნის.
მასალის გამოყენების პირობები