ერთიანი ეროვნული გამოცდებისთის თბილისის მერია 3-27 ივლისის ჩათვლით
4 სპეციალურ დროებით მარშრუტს აწესებს.
დროებით მარშრუტებზე მუნიციპალური ტრანსპორტი შემდეგი სქემით
იმოძრავებს:
მეტრო ახმეტელის თეატრი - 175-ე საჯარო სკოლა. მოძრაობას დაიწყებს
გობრონიძის ქუჩიდან, მოუხვევს დუმბაძის გამზირზე და მგზავრებს
მუხიანის მე-3 მ/რ-ში 175-ე საჯარო სკოლასთან მიიყვანს. ავტობუსი
უკუმიმართულებითაც იგივე მარშრუტს გაივლის.
მეტრო ახმეტელის თეატრი – 39, 173 და 177-ე საჯარო სკოლები. მოძრაობას
დაიწყებს ხიზანიშვილის ქუჩიდან, მარჯვნივ შეუხვევს ნანეიშვილის
ქუჩაზე, გაივლის 39-ე და 173-ე საჯარო სკოლებს და კეცხოველის ქუჩით
177-ე საჯარო სკოლასთან მივა. ავტობუსი მეტრო ახმეტელთან ნანეიშვილისა
და ბოჭორიშვილის ქუჩების გავლით დაბრუნდება.
მეტრო ვარკეთილი – 117-ე საჯარო სკოლა. ავტობუსი გაივლის ჯავახეთის
ქუჩას, მობრუნდება ვარკეთილის ხიდებამდე, მარჯვნივ შეუხვევს შუამთის
ქუჩაზე და მოძრობას 117-ე საჯარო სკოლასთან დაასრულებს.
უკუმიმართულებით: შუამთის, კალოუბნისა და ჯავახეთის ქუჩების გავლით
კვლავ მეტრო ვარკეთილთან დაბრუნდება.
მეტრო სამგორის ზედა გასასვლელი - 103-ე საჯარო სკოლა. მოძრაობას
მეტრო სამგორის მიმდებარედ კახეთის გზატკეცილიდან დაიწყებს, შეუხვევს
კაკაბეთის ქუჩაზე და მგზავრებს ყვარლის მოედანზე 103-ე საჯარო
სკოლასთან მიიყვანს.
უკუმიმართულებით: კაკაბეთისა და რამიშვილის ქუჩების გავლით კახეთის
გზატკეცილზე დაბრუნდება და მოძრაობას მეტრო სამგორის ზედა
გასასვლელთან დაასრულებს.
ავტობუსები მოსახლეობას სტანდარტული ტარიფით - 50 თეთრად
მოემსახურებიან.
მასალის გამოყენების პირობები