შინაგან საქმეთა სამინისტრომ, მოქალაქეთა ინფორმირების მიზნით,
ვიდეოჯარიმების აღსრულების ახალი წესისა და შსს-ს ტექნოლოგიური
სიახლეების შესახებ საინფორმაციო ბუკლეტები მოამზადა.
საპატრულო პოლიციის თანამშრომლებმა ბუკლეტები დედაქალაქსა და ქვეყნის
რეგიონებში მძღოლებს დაურიგეს.
უწყების ინფორმაციით, მიმდინარე წლის 1 ნოემბრიდან ძალაში შედის
საქართველოს ადმინისტრაციულ სამართალდარღვევათა კოდექსში
ვიდეოჯარიმების აღსრულების ახალი წესით. 2017 წლის ბოლომდე, მთელი
ქვეყნის მასშტაბით, 3000-მდე ე.წ. ჭკვიანი კამერა დამონტაჟდება. შსს-ს
ერთობლივი ოპერაციების ცენტრში დანერგილი ვიდეოანალიტიკური
პროგრამებით მოხდება სხვადასხვა ადმინისტრაციული სამართალდარღვევის
ავტომატურ რეჟიმში დაფიქსირება. დამრღვევი მძღოლი კი შემდეგ ფაქტებზე
დაჯარიმდება:
-შუქნიშნის წითელ ფერზე გავლა;
-ორმაგი ღერძულა ხაზის გადაკვეთა;
-სიჩქარის გადაჭარბება;
-მოძრაობის საწინააღმდეგო მიმართულებით გადაადგილება;
-მუნიციპალური ტრანსპორტის ზოლში მოძრაობა.
შსს-ს ტექნოლოგიური სიახლეების მიზანი საგზაო მოძრაობის უსაფრთხოების
წესების დარღვევებზე მყისიერი რეაგირება და ავტოსაგზაო შემთხვევის
პრევენციაა.
მასალის გამოყენების პირობები