უკანონოდ გათავისუფლებულ საჯარო მოხელეებს განაცდურის სახით 650 ათასი ლარი გადაუხადეს
ბოლო 5 წლის განმავლობაში საქართველოში, სხვადასხვა საჯარო
სამსახურიდან უკანონოდ გათავისუფლებულ თანამშრომლებს განაცდურის სახით
სახელმწიფო ბიუჯეტიდან 650 ათასი ლარი გადაუხადეს.
კვლევა 2012 წლის 1-ლი იანვრიდან 2017 წლის 1-ლი ნოემბერის ჩათვლით
პერიოდს მოიცავს. პრეზენტაცია დღეს საქართველოს ახალგაზრდა
იურისტთა ასოციაციამ გამართა.
კვლევის პერიოდში 153 საქმეზე წარმოება დასრულდა და სასამართლოს
გადაწყვეტილება კანონიერ ძალაში შევიდა, ხოლო 166 საქმის განხილვა
კვლავ მიმდინარეობს.
საია-ს ინფორმაციით, კანონიერ ძალაში შესული გადაწყვეტილებებიდან
სასამართლომ სრულად და ნაწილობრივი დააკმაყოფილა 83 საარჩელი, არ
დააკმაყოფილა 61, საქმე მორიგებით დასრულდა 4 შემთხვევაში, წარმოება
შეწყდა 40 შემთხვევაში, ხოლო მოსარჩელის მიერ სარჩელის გამოხმობის
გამო განუხილველი 19 საქმე დარჩა.
მასალის გამოყენების პირობები