გარემოს ეროვნული სააგენტოს ინფორმაციით, გასული დღე - ღამის
განმავლობაში საქართველოს ტერიტორიის უმეტეს ნაწილზე აღინიშნებოდა
წვიმა, მთაში და მაღალმთაში თოვლი, ზოგან ძლიერი.
ქროდა ძლიერი ქარი, მაღალმთიან რაიონებში აღინიშნა ქარბუქი. ღამის
საათებში ქარბუქის და შეზღუდული ხილვადობის გამო დაიკეტა გუდაური -
კობის გზის მონაკვეთი. დაფიქსირდა ქარის სიჩქარის შემდეგი
მნიშვნელობები: ქობულეთი - 18 მ/წმ, ქუთაისი - 16მ/წმ, ბაკურიანი - 21
მ/წმ, გორი, დევდორაკი, კობი - 17 მ/წმ, ჯვრის უღელტეხილი - 18მ/წმ,
გუდაური (სნოუ პარკი) - 21 მ/წმ, ბოლნისი, თელავი, თბილისი
(ვაშლიჯვარი), - 20მ/წმ.
სინოპტოკოსების ინფორმაციით, დღეს დღის განმავლობაში ქარი ნაკლები
სიძლიერით შენარჩუნდება. ხვალ დასავლეთ საქართველოში უნალექო ამინდია
მოსალოდნელი, ზემო იმერეთსა და კოლხეთის დაბლობზე იქროლებს
აღმოსავლეთის მიმართულების ძლიერი ქარი. ჰაერის ტემპერატურა დაბლობში
+10, +15 გრადუსამდე მოიმატებს. აღმოსავლეთ საქართველოს ცალკეულ
რაიონში ღამისა და დილის საათებში მოსალოდნელია მცირე ნალექი,
უმეტესად თოვლის სახით და ნისლი. ჰაერის ტემპერატურა ბარში +2, +7
გრადუსამდე დაიკლებს.
12 იანვარს დასავლეთ საქართველოს უმეტეს და აღმოსავლეთ საქართველოს
ზოგიერთ რაიონში კვლავ ნალექიანი ამინდი იქნება.
იქროლებს დასავლეთის მიმართულების ქარი. ჰაერის ტემპერატურა დაბლობსა
და ბარში +7, +12 გრადუსი დაფიქსირდება.
13 – 14 იანვარს კვლავ ნალექიანი ამინდი შენარჩუნდება. 14
იანვარს აღმოსავლეთ საქართველოში მოსალოდნელია თოვლი, ჰაერის
ტემპერატურა ბარში დღის საათებში 0,+5 გრადუსამდე დაიკლებს.
მასალის გამოყენების პირობები