2017 წელს საქართველოს დაცულ ტერიტორიებს 954 397 ვიზიტორი ესტუმრა
2017 წელს, საქართველოს დაცულ ტერიტორიებს ვიზიტორები მსოფლიოს 97
ქვეყნიდან ესტუმრნენ, მათგან ყველაზე მეტი ვიზიტორი დაფიქსირდა
გერმანიიდან, პოლონეთიდან, ისრაელიდან, უკრაინიდან და რუსეთიდან.
საქართველოს დაცულ ტერიტორიებზე ვიზიტორთა რაოდენობამ გასულ წელს,
წინა წლის ანალოგიურ პერიოდთან შედარებით 30%-ით მოიმატა და 954 397
შეადგინა. ამის შესახებ ინფორმაციას გარემოს დაცვისა და სოფლის
მეურნეობის სამინისტრო ავრცელებს.
2017 წელს 2016 წელთან შედარებით უცხოელი ვიზიტორების რაოდენობა
33%-ით გაიზრდა, ხოლო ქართველების 28%-ით. ვიზიტორთა 57% ქართველი,
43% კი უცხოელია.
ყველაზე პოპულარული ტერიტორიების ტოპ 5-ეული ასე გამოიყურება:
პრომეთეს მღვიმე - 163 941
მარტვილის კანიონი - 147 374
ყაზბეგის ეროვნული პარკი - 154 085
სათაფლია - 85 526
ოკაცეს კანიონი - 73 113
მასალის გამოყენების პირობები