კახეთის პოლიციის დეპარტამენტის გურჯაანის რაიონული სამმართველოს ყოფილი უფროსი შოთა მოსულიშვილი ყვარლის პოლიციის უფროსის მოადგილედ დაინიშნა.
ცვლილება შეეხო მის მოადგილეს ალექსი ბუიშვილსაც, მან ახმეტის პოლიციის უფროსის მოადგილის პოსტი დაიკავა.

როგორც speqtri.ge-ს შინაგან საქმეთა სამინისტროს პრესსამსახურში განუცხადეს, საკადრო ცვლილება როტაციის წესით განხორციელდა.

ცნობისთვის, გურჯაანის პოლიციის უფროსად 41 წლის თამაზ თამაზაშვილი 3 თებერვალს დაინიშნა. ამ თანამდებობაზე მან შოთა მოსულიშვილი შეცვალა.