საზოგადოება
1,46 ლარი კვებისთვის და 1500 ლარამდე გაზრდილი ააიპ-ის ხელმძღვანელის ხელფასი
ა.ა.ი.პ- ი „თანადგომის“ ახალი ხელმძღვანელის ზაზა ჯადუგიშვილის ხელფასი 700 ლარით გაიზარდა და 1500 ლარი შეადგინა. ასევე აღნიშნული ორგანიზაციის საკუთრებაში გადავიდა, ააიპი „მუნიციპალური სერვისის“ კუთვნილი ავტომანქანა ნივა.


საკითხმა საკრებულოს დეპუტატებს შორის ხმაური გამოიწვია. საფინანსო საბიუჯეტო სამსახურის უფროსის, ნატო გონგაძის განმარტებით, „თანადგომამ“ 44 ათასი ლარი მოითხოვა, თუმცა მათი დაფინანსება ამჯერად მხოლოდ 25 ათასით გაიზარდა, რაც სახელფასო ფონდში აისახება. მთლიანად ბიუჯეტმა 195 ათასი ლარი შეადგინა. „თანადგომას“ სულ 200 ბენეფიციარი ჰყავს. გონგაძის თქმით, თითოეული მათგანის კვების ხარჯი დღეში 1,46 ლარია.

ფრაქცია ,,ევროპული საქართველოს“, წარმომადგენლები მიიჩნევენ, რომ 1500 ლარი ხელფასი ააიპის ხელმძღვანელისთვის საჭირო არ არის, იმ დროს, როცა ბენეფიციარების კვებაზე მინიმალური თანხა იხარჯება.
ფრაქციის თავმჯდომარის მოადგილის, ვასილ უტიაშვილის თქმით, მათ მხარი არ დაუჭირეს ამ საკითხს, თუმცა ხმათა უმრავლესობით მაინც დადებითად გადაწყდა.
„ჩვენი მოთხოვნა იყო კონკრეტულად წარმოედგინათ რაში უნდა გახარჯულიყო ეს თანხა. როგორც აღმოჩნდა, თანხა მათი კომფორტისთვის იხარჯება. ახალი სუბსიდირების შედეგად, ხელმძღვანელის ხელფასი განისაზღვრა 1500 ლარით. ვერ ვხვდები რაღა მაინცდამაინც ამ ააიპ-ის ხელმძღვანელს გაეზარდა ხელფასი, როდესაც ბაგა-ბაღების გაერთიანების უფროსს, რომელსაც ამდენი აღსაზრდელი აბარია, 950 ლარი აქვს. გარდა ამისა, ავტოსატრანსპორტო საშუალებაც გადაეცათ საჩუქრად, რომელსაც ალბათ, ისევ თავიანთი კომფორტისთვის გამოიყენებენ. ამის ფონზე არ იზრდება ბენეფიციარების კვების ხარისხი.“

გურჯაანის მუნიციპალიტეტის მერის, არჩილ ხანდამაშვილის თქმით, ხელფასის მომატების მიზანი ხელმძღვანელის მოტივაციის გაზრდა იყო.
„ჩვენ ვეძებთ კიდევ დამატებით თანხებს, ეს იქნება ბიუჯეტიდან, თუ სხვა ფონდებიდან, რომ გავზარდოთ და გავაუმჯობესოთ კვების რაციონი. გვაქვს ბევრი მოთხოვნილება ადამიანების მხრიდან, რომლებსაც მსგავსი მომსახურება სჭირდებათ. რაც შეეხება ხელფასის მატებას, ადამიანი, რომელიც ამ ყველაფერს ხელმძღვანელობს, უნდა იყოს მოტივირებული რომ გაცილებით უკეთ შეასრულოს თავისი მოვალეობა. მის წინამორბედს რა ხელფასი ჰქონდა, მაშინ როგორ იყო, სხვის მაგივრად პასუხს ვერ გაგცემთ, მაგრამ ახლა ასეა საჭირო. ბატონი ზაზა იქნება, თუ სხვა ვინმე მოვა, ძალიან ყურადღებით და ფაქიზად უნდა მოეპყრას ამ ადამიანებს. მანქანაც იმიტომ არის საჭირო, რომ სახლში მოვემსახუროთ მათ, ვისაც არ შეუძლია აქ მოსვლა და ოპერატიულად მივართვათ საკვები. ადამიანი როდესაც ჩვენზეა დამოკიდებული, არ უნდა ვალოდინოთ.“

მისივე თქმით, ფონდებთან მოხდება მოლაპარაკება და აუცილებლად გაიზრდება ბენეფიციარტების კვების ხარისხი, ასევე ეტაპობრივად გაიზრდება მათი რაოდენობაც.
რაც შეეხება ოპონენტების კითხვას, რატომ არ გაეზარდა ხელფასი სხვა აიპიების ხელმძღვანელებს, არჩილ ხანდამაშვილი პასუხობს :
„ბაღში, ამჟამად, ვგეგმავთ სერიოზულ რეფორმას, როგორც კოსმეტიკური რემონტის, ასევე კვების კუთხით. მათაც აუცილებლად მოემატებათ ხელფასი, რადგან ბავშვების სიცოცხლე აბარიათ და ანაზღაურება უნდა ჰქონდეთ შესაბამისი, მაგრამ ნუ შევადარებთ ბაღების გაერთიანებას და „თანადგომას“ იმდენად, რამდენადაც ეს ააიპი ემსახურება ადამიანებს, რომლებსაც საჭმელი არ აქვთ. ამიტომ თავის სიმაღლეზე უნდა იდგეს სამსახურის უფროსი, რომ მათ არ მოაკლდეთ წუთითაც ის რაციონი, რაც განსაზღვრულია. რეფორმები „მუნიციპალურ სერვისშიც“ იგეგმება, ჩემი წინასაარჩევნო დაპირებაა, რომ წყალი ჰქონდეს ყველა სოფელს. ამიტომ ამ ადამიანებს უნდა ჰქონდეთ სათანადო ხელფასი, რომ მივაღწიოთ შედეგს, სხვანაირად ვერ იქნება და ვერც პრეტენზია გვექნება იმაზე, რომ რამე შეიცვალოს. “

როგორც არჩილ ხანდამაშვილმა განმარტა, ყველა ააიპის ოპტიმიზაცია იგეგმება. თუმცა, დეტალებს მომავალში გააჟღერებს.

Print E-mail
FaceBook Twitter Google
ამავე კატეგორიაში
„სოფლის მხარდაჭერის პროგრამის“ ფარგლებში განსაზღვრული
სამუშაოებისთვის თანხა გაორმაგდა.
„სოფლის მხარდაჭერის პროგრამის“ ფარგლებში განსაზღვრული სამუშაოებისთვის თანხა გაორმაგდა.
17:00 / 22.01.2019
ამ წუთებში გურჯაანის რაიონული სასამართლო, ველისციხის ეპიზოდთან
დაკავშირებით,
ამ წუთებში გურჯაანის რაიონული სასამართლო, ველისციხის ეპიზოდთან დაკავშირებით, "ნაციონალური მოძრაობის" ლიდერების ნიკა მელიასა და გიორგი ვაშაძის საქმეს იხილავს.
15:49 / 22.01.2019
დღეიდან გურჯაანში გარევაჭრობა იკრძალება, ამის შესახებ მერიის
ზედამხედველობის სამსახურში განაცხადეს. იურიდიული სამსახურის
ზედამხედველობის განყოფილების უფროსი სპეციალისტის ბადრი ბადრიაშვილის
განმარტებით, მოვაჭრეებს მითითებები უკვე მისცეს.
დღეიდან გურჯაანში გარევაჭრობა იკრძალება, ამის შესახებ მერიის ზედამხედველობის სამსახურში განაცხადეს. იურიდიული სამსახურის ზედამხედველობის განყოფილების უფროსი სპეციალისტის ბადრი ბადრიაშვილის განმარტებით, მოვაჭრეებს მითითებები უკვე მისცეს.
10:51 / 22.01.2019
დღეიდან გურჯაანის ყველა სკოლამდელ სააღმზრდელო დაწესებულებაში
სასწავლო პროცესი განახლდა. როგორც ჩვენთან საუბარში გაერთიანების
ხელმძღვანელმა ლელა თევდორაშვილმა განაცხადა, აღსაზრდელთა კონტინგენტი
ძალიან მცირეა.
დღეიდან გურჯაანის ყველა სკოლამდელ სააღმზრდელო დაწესებულებაში სასწავლო პროცესი განახლდა. როგორც ჩვენთან საუბარში გაერთიანების ხელმძღვანელმა ლელა თევდორაშვილმა განაცხადა, აღსაზრდელთა კონტინგენტი ძალიან მცირეა.
12:58 / 21.01.2019
პროექტ „დავასუფთაოთ საქართველოს“ ფარგლებში გამოცხადებული კონკურსის
„სუფთა რეგიონის“ წოდება კახეთმა მოიპოვა. ჯილდო კახეთის გუბერნატორს
შვედეთის სამეფოს საგანგებო და სრულუფლებიანმა ელჩმა ულრიკ
ტიდესტრომმა გადასცა.
პროექტ „დავასუფთაოთ საქართველოს“ ფარგლებში გამოცხადებული კონკურსის „სუფთა რეგიონის“ წოდება კახეთმა მოიპოვა. ჯილდო კახეთის გუბერნატორს შვედეთის სამეფოს საგანგებო და სრულუფლებიანმა ელჩმა ულრიკ ტიდესტრომმა გადასცა.
14:21 / 19.01.2019
სხვა ამბები
განათლების მინისტრის განცხადებით, წითელას ეპიდაფეთქების გამო სასწავლო პროცესი არ გადაიდება. თუმცა მისივე თქმით, რაიმე გართულების შემთხვევაში, არაა გამორიცხული გადაწყვეტილება შეიცვალოს.
14:39 / 19-01-2019
მასწავლებელთა პროფესიული განვითარების ეროვნული ცენტრის ინფორმაციით, მასწავლებელთა პროფესიული განვითარების სქემაში კრედიტქულების დაგროვების სისტემა უქმდება.
14:03 / 19-01-2019
პედაგოგების სახელფასო ანაზღაურება შემოდგომიდან გაიზრდება. დეტალები კი აპრილის ბოლოს გახდება ცნობილი. ამის შესახებ განათლების, მეცნიერების, კულტურისა და სპორტის მინისტრმა, მიხეილ ბატიაშვილმა განაცხადა.
16:30 / 18-01-2019
განათლების, მეცნიერების, კულტურისა და სპორტის სამინისტრო საჯარო სკოლებისთვის განცხადებას ავრცელებს. უწყების ინფორმაციით, სკოლებმა სასწავლო პროცესის განახლების შემდეგ კონკრეტული რეკომენდაციები უნდა გაითვალისწინონ.
12:53 / 18-01-2019
ფრანგულ სამედიცინო ცენტრ კახეთი-იონს როგორც წარმატებული პროექტის შემსრულებელს სტუმრად ეწვივნენ იაპონიის საერთაშორისო თანამშრომლობის სააგენტოს (JICA) და საქართველოში მდებარე საფრანგეთის საელჩოს წამომადგენელები.
17:52 / 11-01-2019
ვალუტა
EUR
EUR
1
3.0536
USD
USD
1
2.5751
GBP
GBP
1
3.4411
TRY
TRY
1
0.6764
RUB
RUB
100
4.4602
ამინდი
გურჯაანი 1 / 11 °C
img
საგარეჯო 1 / 8 °C
img
დ.წყარო 2 / 7 °C
img
სიღნაღი 1 / 11 °C
img
ლაგოდეხი 3 / 11 °C
img
ყვარელი 1 / 11 °C
img
თელავი 3 / 10 °C
img
ახმეტა 2 / 10 °C
img
კალენდარი
«« იანვარი 2019 »»
31 1 2 3 4 5 6
7 8 9 10 11 12 13
14 15 16 17 18 19 20
21 22 23 24 25 26 27
28 29 30 31 123

speqtri.ge შენი ვებგვერდი


მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.