2006 წლის 1 აპრილამდე გაცემულ მართვის მოწმობებს იურიდიული ძალა პირველ აპრილამდე უნარჩუნდებათ
2006 წლის 1 აპრილამდე საქართველოში გაცემულ მართვის მოწმობებს
იურიდიული ძალა 2018 წლის 1 აპრილამდე შეუნარჩუნდებათ.
მომსახურების სააგენტოს ნებისმიერ ფილიალში მოქალაქემ უნდა
წარადგინოს: ცნობა ჯანმრთელობის მდგომარეობის შესახებ, პირადობის
დამადასტურებელი მოწმობა და არსებული მართვის მოწმობა. მართვის
მოწმობის შეცვლის ღირებულებაა 15 ლარი, დაკარგულის აღდგენის
შემთხვევაში კი - 35 ლარი.
იმ მართვის მოწმობებს, რომლებიც აღებულია 2006 წლის 1 აპრილამდე,
თუმცა შეცვლილია 2006 წლის შემდეგ, იურიდიული ძალა უნარჩუნდებათ და არ
არის საჭირო მათი გამოცვლა.იმ შემთხვევაში თუ მოქალაქემ 1 აპრილამდე
ვერ შეცვალა მართვის მოწმობა, ავტომობილის მართვა შეეძლება მხოლოდ მას
შემდეგ, რაც მართვის მოწმობას შეცვლის. მსურველები არც 2018 წლის 1
აპრილის შემდეგ ჩააბარებენ თეორიულ და პრაქტიკულ გამოცდას.
„საგზაო მოძრაობის შესახებ“ კანონში აღნიშნული ცვლილება ძალაში შევიდა
2014 წლის 1 მარტიდან. ცვლილების ამოქმედებისთანავე მომსახურების
სააგენტოში მართვის მოწმობების შეცვლა ეტაპობრივად მიმდინარეობს.
მასალის გამოყენების პირობები