საზოგადოება
"იძულებული გავხდები, 200 ძირი ვაზი გავჩეხო“ - დაპირისპირება "საქართველოს მელიორაციასთან“
გურჯაანის მუნიციპალიტეტის სოფელ ძირკოკში მცხოვრები თეიმურაზ ლომიძე "საქართველოს მელიორაციას“ უპირისპირდება.
როგორც ის ამბობს, კომპანია ე.წ. "ძეძვების“ ტერიტორიაზე, ვენახის მიმდებარედ, მისსავე კუთვნილ ადგილას, დამშრობი სისტემის რეაბილიტაციას ახორციელებს. ამის გამო იძულებულია, 200 ძირი ვაზი აჩეხოს, რადგან ვეღარც მოხნავს და ვეღაც შეწამლის.

-„ჩემმა სამმა მომიჯნემ, დაწერა განცხადება და დამშრობი არხის გაკეთება მოითხოვა. არხს პირდაპირ ჩემს ადგილში ჭრიან, საკადასტრო რუკაც მაქვს,მაგრამ საბუთები გააყალბეს, ვითომ ჩემი კი არა, სახელმწიფოსია. იძულებული გავხდები, 200 ძირი ვაზი გავჩეხო, ვერც მოვწამლი და ვეღარც მოვხნავ, რადგან ტრაქტორი ვერ მოტრიალდება. სხვა გზა აღარ დარჩა, სასამართლოს მივმართავ. ამ არხს ორი წელია აკეთებენ, მე რომ შევეწინააღმდეგე, გაჩერდნენ, ეხლა ისევ გააგრძელეს. ადრე აქ დრენაჟი იყო და რაღად უნდოდათ ახალი არხის გაჭრა?! პოლიციამდე მივიდა საქმე, ორჯერ მომაწერინეს ხელი, რომ მელიორაციას სამუშაოების დასრულების საშაულება მივცე,“-ამბობს თეიმურაზ ლომიძე.

მისი ვენახის მომიჯნედ მდებარე ნაკვეთების მეპატრონეები კი, სამუშაოების დროულად დასრულებას ითხოვენ. მათი თქმით, იმის გამო, რომ დამშრობი სისტემა არ არსებობს, ვენახი და ხეხილის ბაღები ჭაობდება.

-„ძველად, ამ ადგილას არხი ყოფილა. ვითხოვ, ისევ აქ გაკეთდეს დამშრობი სისტემა. ცარიელი ადგილი მქონდა, ატამი გავაშენე, მაგრამ ისე იტბორება, ვერ ვახეირე. ზევით, 100 მეტრში, კარალიოკი დავრგე, ვიფიქრე, წყალი უყვარს და იქნებ იმან მაინც გაძლოს-მეთქი, მაგრამ ამ პირობებში ისიც გადახმა. მაგის ადგილთან რა გვესაქმება, ეს ხომ სახელმწიფოს საკუთრებაა?! ჰოდა, მისცეს უფლება მელიორაციას, რომ „კანაოს“ გაჭრა დაამთავრონ. თემურის ვენახის თავში გადის ისეთივე არხი, რაც ახლა აქ, ქვევით კეთდება, მაგას ვენახი აღარ ეტბორება და იმიტომ არ დარდობს,“-გვითხრა შოთა სონღულაშვილმა.

იგივე მოთხოვნა აქვს სოფელ ძირკოკში მცხოვრებ კობა მინაშვილსაც.

-„მაგას მოსავალი მოჰყავს, რადგან ვენახის თავში აქვს საწრეტი არხი და ჩვენ რაღა დავაშავეთ?! არ ასრულებინებს სამუშაოებს, გაიძახის, ჩემს ტერიტორიაზე თხრიანო, არადა, ტყუილია, რანაირად არის მაგის ტერიტორია, როცა ადრე ზუსტად მანდ იყო არხი. მაგის ადგილს არავინ ეხება, პირიქით, ახალი ვენახი რომ ჩაყარა, ზევით ამოიწია. ამავე ზოლზე, ძველი ვენახი ისე აქვს გაშენებული, რომ არხის გაჭრის შემდეგ, ხნავს და წამლის კიდეც. ჩემი ვენახი კი ისე იტბორება, რამდენიმე ვაზი ავჩეხე. მე რაღა დავაშავე, რა გავაკეთო?!“

„საქართველოს მელიორაციაში“ ამბობენ, რომ დამშრობ სისტემას კანონის სრული დაცვით, არა თეიმურაზ ლომიძის, არამედ სახელმწიფოს კუთვნილ ტერიტორიაზე აწყობენ.

-„ჩვენ ვახდენთ დაშრობითი არხების რეაბილიტაციას. აქ, ძირკოკის ტერიტორიაზე, 200 მეტრამდე ხაზია დარჩენილი, რომელიც სადავოა. დაშრობით არხს გავლა ვენახთან ახლოს მოუწია. ჩვენ არაფერ შუაში ვართ. ექვსი თვეა არ გვაგრძელებინებს სამუშაოებს. თუ რამე პრეტენზია აქვს, გვიჩივლოს. ეს კეთდება სახელმწიფოს ტერიტორიაზე და არა მის ადგილში, ჩვენ კერძო საკუთრებას არ ვეხებით. ოდესღაც ამ ტერიტორიაზე დაშრობითი არხი არსებობდა, დღეს სუფთავდება იმიტომ, რომ სრულად გადაბიდნულია.“- განუცხადა speqtri.ge-ს „საქართველოს მელიორაციის“ კახეთის დაშრობითი არხების საქმეთა მწარმოებელმა ავთო სამხარაძემ.

მისივე თქმით, შეჩერებული სამუშაოები 10 მაისს უნდა გაგრძელდეს. იმ შემთხვევაში კი, თუ თეიმურაზ ლომიძე ამის საშაულებას არ მისცემთ, პროცესში სამართალდამცველები ჩაერთვებიან.

| Print |  E-mail
FaceBook Twitter Google
ამავე კატეგორიაში
დღეს გურჯაანის თოჯინების სახელმწიფო თეატრის სცენაზე „მაშა და
დათვის“ პრემიერა გაიმართა. სცენარის ავტორის და მსახიობის ნატალია
ჯანაშვილის თქმით, მაშა და დათვი ყველასათვის საყვარელი გმირები არიან
და ამიტომ სიუჟეტისთვის სწორედ ეს მულტფილმი შეარჩია.
დღეს გურჯაანის თოჯინების სახელმწიფო თეატრის სცენაზე „მაშა და დათვის“ პრემიერა გაიმართა. სცენარის ავტორის და მსახიობის ნატალია ჯანაშვილის თქმით, მაშა და დათვი ყველასათვის საყვარელი გმირები არიან და ამიტომ სიუჟეტისთვის სწორედ ეს მულტფილმი შეარჩია.
16:35 / 20.04.2019
სამედიცინო საქმიანობის დროს მედპერსონალის შეურაცხჰყოფა ან
პროფესიული მოვალეობის შესრულებისთვის ხელის შეშლა დასჯადი ხდება.
სამედიცინო საქმიანობის დროს მედპერსონალის შეურაცხჰყოფა ან პროფესიული მოვალეობის შესრულებისთვის ხელის შეშლა დასჯადი ხდება.
15:45 / 19.04.2019
ქართული ენა ევროკავშირის საერთაშორისო ელექტრონულ ბაზა
„EuroTermBank-ს დაემატა. ამის შესახებ ინფორმაციას იუსტიციის
სამინისტრო ავრცელებს.
ქართული ენა ევროკავშირის საერთაშორისო ელექტრონულ ბაზა „EuroTermBank-ს დაემატა. ამის შესახებ ინფორმაციას იუსტიციის სამინისტრო ავრცელებს.
15:00 / 19.04.2019
გარემოს ეროვნული სააგენტოს ინფორმაციით, დღეს და ხვალ საქართველოში
შენარჩუნებული იქნება დროგამოშვებით ნალექიანი ამინდი. ჰაერის
ტემპერატურა დაბლობსა და ბარში +9,+14 გრადუსის ფარგლებში
დაფიქსირდება. 
გარემოს ეროვნული სააგენტოს ინფორმაციით, დღეს და ხვალ საქართველოში შენარჩუნებული იქნება დროგამოშვებით ნალექიანი ამინდი. ჰაერის ტემპერატურა დაბლობსა და ბარში +9,+14 გრადუსის ფარგლებში დაფიქსირდება. 
12:47 / 19.04.2019
ვაზიანი-გომბორი-თელავის საავტომობილო გზაზე უღელტეხილზე ინტენსიურად
თოვს, თუმცა შეზღუდვები ამ დროისთვის არ მოქმედებს.
ვაზიანი-გომბორი-თელავის საავტომობილო გზაზე უღელტეხილზე ინტენსიურად თოვს, თუმცა შეზღუდვები ამ დროისთვის არ მოქმედებს.
10:29 / 19.04.2019
სხვა ამბები
სეზონური ალერგიული რინიტის სიმპრომები ვლინდება მხოლოდ წლის გარკვეულ დროს, უფრო ხშირად გაზაფხულზე, მცენარეთა ყვავილობის პერიოდში.
12:35 / 19-04-2019
თელავის კიკბოქსინგის კლუბ "ჯორჯიას" დარბაზში ღია რინგი ჩატარდა, სადაც სხვადასხვა მუნიციპალიტეტის სპორტსმენებმა მიიღეს მონაწილეობა.
12:06 / 18-04-2019
2018-2019 სასწავლო წელს, მე-12 კლასის მოსწავლეებისთვის თავისუფალი დასწრების რეჟიმი აღარ იმოქმედებს. ამის შესახებ ინფორმაციას განათლების, მეცნიერების, კულტურისა და სპორტის სამინისტრო ავრცელებს.
14:48 / 17-04-2019
სამხრეთ კავკასია სამ ერთმანეთის მოსაზღვრე სახელმწიფოს აერთიანებს - საქართველოს, სომხეთსა და აზერბაიჯანს. სწორედ საქართველოს საზღვრისპირა რეგიონებში, როგორც სოფლებში, ისე ქალაქებში, მაღალია აზერბაიჯანელი და სომეხი ეროვნების მაცხოვრებელთა წარმომადგენლობა. საქართველოს მოსახლეობის 2014 წლის აღწერის შედეგების მიხედვით, საქართველოს მოსახლეობის ყველა დიდ ნაწილს - 86,8 პროცენტს ქართველები შეადგენენ (3.22 მილიონი ადამიანი), შემდგომ აზერბაიჯანელები - 6,3 პროცენტს (233 000 ადამიანი), ხოლო სომხები - 4,5 პროცენტს (168 100 ადამიანი).
16:58 / 12-04-2019
სექტემბრიდან საქართველოში დაწყებითი კლასის მოსწავლეები, 25 ქვეყანაში აღიარებული და წარმატებული წიგნით „გამარჯობა რუბი“ პროგრამირების და კომპიუტერული მეცნიერებების საფუძვლებს ისწავლიან.
17:18 / 03-04-2019
დღეს გურჯაანის მუნიციპალიტეტის მერი არჩილ ხანდამაშვილი სხვადასხვა სახეობაში თექვსმეტ წარმატებულ სპორტსმენს შეხვდა და ბოლო პერიოდის მიღწევები კიდევ ერთხელ მიულოცა.
16:36 / 02-04-2019
ვალუტა
EUR
EUR
1
3.0536
USD
USD
1
2.5751
GBP
GBP
1
3.4411
TRY
TRY
1
0.6764
RUB
RUB
100
4.4602
ამინდი
გურჯაანი 1 / 11 °C
img
საგარეჯო 1 / 8 °C
img
დ.წყარო 2 / 7 °C
img
სიღნაღი 1 / 11 °C
img
ლაგოდეხი 3 / 11 °C
img
ყვარელი 1 / 11 °C
img
თელავი 3 / 10 °C
img
ახმეტა 2 / 10 °C
img
კალენდარი

speqtri.ge შენი ვებგვერდი


მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.