გურჯაანის სკოლამდელ სააღმზრდელო დაწესებულებებში საზაფხულო არდადეგები პირველი ივლისიდან დაიწყება. როგორც ჩვენთან საუბარში სკოლამდელი სააღმზრდელო დაწესებულების გაერთიანების ხელმძღვანელმა ლელა თევდორაშვილმა აღნიშნა, ამ პერიოდში ზაფხულის ჯგუფები იმუშავებს.
„ყველა საბავშვო ბაგა - ბაღში სააღმზრდელო პროცესი 2018 წლის პირველი ივლისიდან შეწყდება. პირველი ივლისიდან პირველ აგვისტომდე კი, ქალაქ გურჯაანის ნომერ პირველ ბაგა-ბაღში, იმ ბავშვებისთვის, რომელთა მშობლებიც დასაქმებულები არიან, მუშაობას ე.წ. ზაფხულის ჯგუფები დაიწყებს. “
მისივე თქმით, სასწავლო პროცესი მუნიციპალიტეტის ყველა ბაღში სექტემბრიდან განახლდება.