გომბორის უღელტეხილზე, სოფელ კობაძეებთან მომხდარ ავარიასთან
დაკავშირებით, რომელსაც ოთხი ადამიანი ემსხვერპლა, შს მინისტრის
მოადგილე მერაბ მალანია თელავში მოემგზავრება.
ამის შესახებ speqtri.ge-ს უწყებაში განუცხადეს. ალანია თელავის
რეფერალურ საავადმყოფოში მოთავსებულ დაშავებულებს მოინახულებს.
შსს-ს ინფორმაციით, გამოძიების პირველადი ინფორმაციით, ავტომანქანის
მძღოლმა საჭე ვერ დაიმორჩილა, საავტომობილო გზიდან გადავიდა და
ხევში გადავარდა. ავტოსაგზაო შემთხვევის შედეგად
გარდაცვლილია 4 ადამიანი, მათ შორის ერთი არასრულწლოვანია.
მომხდარ ფაქტთან დაკავშირებით გამოძიება სსკ-ს 276-ე მუხლის მე-7
ნაწილით მიმდინარეობს, რაც ტრანსპორტის მოძრაობის უსაფრთხოების ან
ექსპლუატაციის წესის დარღვევას გულისხმობს, რამაც ორი ან მეტი
ადამიანის სიცოცხლის მოსპობა გამოიწვია. დანაშაული 6-დან 10 წლამდე
თავისუფლების აღკვეთას ითვალისწინებს.
საქმესთან დაკავშირებით დანიშნულია შესაბამისი ექსპერტიზები და
მიმდინარეობს აქტიური საგამოძიებო მოქმედებები. ამ დროისთვის
ავტომანქანის მძღოლი გამოკითხვის მიზნით გადაყვანილია პოლიციის
განყოფილებაში.
მასალის გამოყენების პირობები