საქართველოს რეგიონული განვითარებისა და ინფრასტრუქტურის სამინისტროს მყარი ნარჩენების მართვის კომპანიამ გურჯაანის მუნიციპალიტეტს ევროსტანდარტების შესაბამისი 200 ურნა გადასცა.

მუნიციპალიტეტის მერის პირველი მოადგილის სიმონ ქოჩორაშვილის განმარტებით, კონტეინერები ქალაქ გურჯაანში და მუნიციპალიტეტის სოფლებში გადანაწილდება და ძირითადად ცენტრალურ მაგისტრალზე განლაგდება.
„ორმოცი ურნა გადმოგვცა არასამთავრობო ორგანიზაცია „სემმა“, 200 მყარი ნარჩენების მართვის კომპანიამ. ჩვენ დაგეგმილი გვქონდა ადგილობრივი ბიუჯეტიდან 306 ურნის შეძენა. რადგან გადმოგვცეს, რამდენიმეღა გვაკლდება, რომელსაც წლის ბოლომდე შევიძენთ. ურნები დასაწყობებულია. გვაქვს მიღება - ჩაბარების აქტი, დღეს ან ხვალ უკვე ოფიციალურად გადმოგვცემენ.“