თელავში გერმანიის ქალაქ ბიბერახიდან გამოგზავნილი ჰუმანიტარული
ტვირთი ჩამოვიდა, რომელიც საბავშვო ბაღების, პროფესიული კოლეჯისა და
სოციალური სახლისთვისაა განკუთვნილი.
როგორც ჩვენთან საუბარში ა(ა)იპ თელავის მუნიციპალიტეტის ბაგა-ბაღების
მართვის სააგენტოს დირექტორმა თინათინ ხანჯალიაშვილმა განაცხადა,
ნივთები სასწავლო წლის დაწყებისთანავე ბაგა-ბაღების მართვის
სააგენტოში შემავალ თელავის ცხრა ბაღს გადაეცემა.
„ჩამოსულია საბნები - 3 ყუთი, ხუთი ყუთი სათამაშოები და წიგნები, ორი
ველოსიპედი, 137 - სკამი (ნაწილი ხის და ნაწილი მეტალის), 31- მაგიდა,
ათი თარო, ერთი კარადა, ორი ქურთუკის და ოთხი დასაკიდი კარადა. ეს
ყველაფერი საჭიროებისამებრ ცხრა ბაღზე გადანაწილდება.“
მისივე თქმით, მსგავსი სახის დახმარება ა(ა)იპ თელავის
მუნიციპალიტეტის ბაგა-ბაღების მართვის სააგენტომ მეგობარი ქალაქიდან
პირველად მიიღო.
მასალის გამოყენების პირობები