საგარეჯოს მერიამ მუნიციპალიტეტის მასშტაბით სიჩქარის შემაფერხებელბი დაამონტაჟა. ე.წ. "ბუგაროკები" მოეწყო ქალაქ საგარეჯოში, სოფელ ლამბალოში, ბადიაურში, პატარა ჩაილურში, დიდ ჩაილურში, პატარძეულსა და ნინოწმინდაში.
როგორც speqtri.ge-ს საგარეჯოს მუნიციპალიტეტის მერიაში განუცხადეს, ბარიერები ძირითადად სკოლებსა და საბავშვო ბაღებთან გაკეთდა, რისთვისაც ადგილობრივი ბიუჯეტიდან დაახლოებით 26 000 ლარი დაიხარჯა.