დღეს გურჯაანის რაიონულმა სასამართლომ „ნაციონალური მოძრაობის“ ლიდერის, ნიკა მელიას მისამართით ადმინისტრაციული სამართალწარმოება შეწყვიტა, ხოლო გიორგი ვაშაძე სამართალდამრღვევად სცნო და 3000 ლარის ოდენობის ჯარიმის გადახდა დააკისრა.


მოსამართლე დევი დევიძის განმარტებით, ვიდეო მტკიცებულების შესაბამისად, ნიკა მელიას პოლიციელისათვის შეურაცხყოფა არ მიუყენებია. გიორგი ვაშაძის ნაწილში მიღებულ გადაწყვეტილებას სააპელაციო სასამართლოში გაასაჩივრებს „ნაციონალური მოძრაობის“ ლიდერების ადვოკატი, ხოლო მოდავე მხარე ნიკა მელიას გამართლებას გაასაჩივრებს.


საქმე ადმინისტრაციულ სამართალდარღვევათა კოდექსის 173-ე მუხლით მიმდინარეობდა. ოპოზიციონერებს 16 დეკემბერს, ველისციხის ინციდენტის დროს პოლიციელის კანონიერი მოთხოვნისადმი დაუმორჩილებლობას ედავებიან.