თელავის ცენტრის რეაბილიტაცია იგეგმება. ამის შესახებ მთავრობის ადმინისტრაციის რეგიონული მიმართულების ხელმძღვანელმა სოზარ სუბარმა მთავრობის ადმინისტრაციაში ჟურნალისტებს განუცხადა.
გარდა ამისა, სუბარის ინფორმაციით, იგეგმება გურჯაანის მუნიციპალიტეტის სოფელ ველისციხის ცენტრის რეაბილიტაცია.


მისი თქმით, მოხდება ასევე რამდენიმე რაიონული გზის, კერძოდ გურჯაანის მუნიციპალიტეტის სოფელ  ჭერემთან მისასვლელი გზის რეაბილიტაცია.

სამუშაოებს საქართველოს მუნიციპალური განვითარების ფონდი განახორციელებს.