თელავის მერია სოციალურად დაუცველ ერთ წლამდე ბავშვთა კვებას დააფინანსებს
თელავის მუნიციპალიტეტის მერია სოციალურად დაუცველ 1 წლამდე ასაკის
ბავშვთა კვებას ადგილობრივი ბიუჯეტიდან დააფინანსებს. საკრებულომ,
ჯანდაცვისა და სოციალურ საკითხთა პროგრამაში შესაბამისი ცვლილებების
შეტანას მხარი დაუჭირა.
პროგრამის განსახორციელებლად ადგილობრივი ბიუჯეტიდან 4 300 ლარი
გამოიყო.
„სოციალურ პროგრამას სოციალური მომსახურების სააგენტო ახორციელებს,
მაგრამ ჩვილ ბავშვთა ოჯახებს 2-3 თვის განმავლობაში კვების
მომლოდინეთა სიაში ყოფნა უწევთ. მერიის მიერ ინიცირებული პროექტი
სოციალურ საკითხთა კომისიის სხდომაზე განვიხილეთ, რასაც საკრებულომ
მხარი დაუჭირა“, - განაცხადა საკრებულოს სოციალური, კულტურის,
განათლების და ახალგაზრდულ საქმეთა კომისიის თავმჯდომარე, ლევან
კოჭლოშვილმა.
აღნიშნული შეღავათით მუნიციპალიტეტის მასშტაბით სულ 32 ბენეფიციარი
ისარგებლებს.
მასალის გამოყენების პირობები