საზოგადოება
„ტატიას საყდრის“ რეაბილიტაციისთვის ჯერ გზა უნდა გაკეთდეს“
„ტატიას საყდარი“ გურჯაანში ქალაქიდან დაახლოებით ოთხი კილომეტრის მოშორებით მდებარეობს.  ამჟამად ისტორიული ძეგლი დანგრევის პირასაა.


როგორც ჩვენთან ერთ-ერთმა ადგილობრივმა მცხოვრებმა ჯაბა ზაკალაშვილმა აღნიშნა, ეკლესიის კედლები დახეთქილი და დაზიანებულია.
„ორი დღის წინ ვიყავით მე და ჩემი მეგობარი, ფეხით ავედით. გზა ძალიან ცუდ მდგომარეობაშია და იქამდე მანქანით მისვლა შეუძლებელია. ბავშვობაში ხშირად დავდიოდით ამ ეკლესიაში, ეხლა რომ ვნახე, შევწუხდი, ბევრად უფრო სავალალო მდგომარეობაშია. ეკლესია განადგურების პირასაა. შიგნიდან კედლები დახეთქილია, ერთი მხარე უკვე ჩამონგრევაზეა. პატრონი თუ არ გამოუჩნდა, უარესი დაემართება. ვიღაცას შეუღობავს და ნაძვებიც დაურგავს, მაგრამ საქმეს ეს არ შველის.“


გურჯაანის მუნიციპალიტეტის მერიის ინფრასტრუქტურის, სივრცითი მოწყობის, არქიტექტურისა და ძეგლთა დაცვის სამსახურის უფროსი სპეციალისტის თამაზ მარკოზაშვილის თქმით, ძეგლი მეცხრე საუკუნეშია აშენებული.
„ტატიას საყდარი ესაზღრება ჩუმლაყს, თუმცა გურჯაანის ტერიტორიაზეა. არის სამნავიანი ეკლესია. საყდრის წარმომავლობა ჯერჯერობით უცნობია. თუმცა გადმოცემის მიხედვით ბოლშევიკების დროს ვიღაც ტატია ყოფილა, რომელიც ამ ეკლესიას აფარებდა თავს. იქიდან შემორჩა ეს სახელი, თუმცა რომელი წმინდანის სახელობისაა დღემდე არვიცით. საყდრიდან დაახლოებით სამასი მეტრის დაშორებით არის წყარო, რომელსაც ხუცესის წყაროს ეძახიან. აქედან გამომდინარე, ვვარაუდობთ, რომ ადრე აქ სოფელი იყო. სათანადო დოკუმენტაციის მომზადების საფუძველზე ძეგლთა დაცვის ეროვნულმა სააგენტომ 2014 წელს კულტურული მემკვიდრეობის უძრავი ძეგლის სტატუსი მიანიჭა. ტაძარი ამჟამად დაზიანებულია, ძირითადად შემორჩენილია მთავარი ეკლესია და ჩრდილოეთი მინაშენი. სამხრეთი მინაშენი მთლიანად დანგრეულია. საჭიროებს რეაბილიტაციას, სახურავიდან ჩაედინება წვიმის წყლები. თვითონ ტაძარში რამდენიმე გახსნილი სამარხია გაძარცვული. ქვაყუთის ტიპის სამარხებია საკურთხეველშიც და მინაშენშიც.“


მისივე განმარტებით, ძეგლის აღდგენას სამანქანე გზის არარსებობა უშლის ხელს.
„საჭიროა ჯერ გაკეთდეს სამანქანე გზა და შემდეგში დაისვას ძეგლის რეაბილიტაციის საკითხი. დაახლოებით ორი კილომეტრი გზა უნდა გაიჭრას ტყეში. ადრე იყო ვიწრო ბილიკი, მაგრამ შემდეგ ისიც გაფუჭდა. ძეგლთა დაცვის სააგენტო ინფრასტრუქტურულ პროექტებზე არ მუშაობს, ამიტომ გზა ადგილობრივმა თვითმმართველობამ უნდა გააკეთოს. აუცილებლად უნდა გადავარჩინოთ ეს მნიშვნელოვანი ძეგლი, სხვანაირად არ გამოვა. ეს ყველაფერი კი საშუალებაზე და ჩვენს კეთილ ნებაზეა დამოკიდებული.“


შესაძლებელია თუ არა „ტატიას საყდართან“ მისასვლელი გზის გაკეთება, ამ საკითხთან დაკავშირებით გურჯაანის მუნიციპალიტეტის მერს მივმართეთ, რომელმაც გვითხრა, რომ კომენტარს მოგვიანებით გააკეთებს.

თამაზ მარკოზაშვილი კი ამბობს, რომ თუკი რეაბილიტაციის საკითხი დადგება, თავდაპირველად ჯერ არქეოლოგიური გათხრები ჩატარდება.


ფოტოები მოგვაწოდა გურჯაანში მცხოვრებმა ჯაბა ზაკალაშვილმა

| Print |  E-mail
FaceBook Twitter Google
ამავე კატეგორიაში
სოფელ კარდენახში მომხდარი ავტოსაგზაო შემთხვევის შედეგად 5 ადამიანი
დაშავდა. ერთმანეთს ტრაილერი და მსუბუქი ავტომანქანა შეეჯახა.
სოფელ კარდენახში მომხდარი ავტოსაგზაო შემთხვევის შედეგად 5 ადამიანი დაშავდა. ერთმანეთს ტრაილერი და მსუბუქი ავტომანქანა შეეჯახა.
16:25 / 15.07.2020
გარემოს დაცვისა და სოფლის მეურნეობის სამინისტროს ინფორმაციით ატმისა
და ვაშლატამას მოსავლის აღება აქტიურ ფაზაშია.
გარემოს დაცვისა და სოფლის მეურნეობის სამინისტროს ინფორმაციით ატმისა და ვაშლატამას მოსავლის აღება აქტიურ ფაზაშია.
16:09 / 15.07.2020
2020 წლის არჩევნებში მონაწილეობის უფლების მისაღებად ცესკო-ში
რეგისტრაციისთვის მიმართვის ვადა, პარტიების ნაწილს დღეს ამოეწურა.
2020 წლის არჩევნებში მონაწილეობის უფლების მისაღებად ცესკო-ში რეგისტრაციისთვის მიმართვის ვადა, პარტიების ნაწილს დღეს ამოეწურა.
14:32 / 15.07.2020
საქართველოში კორონავირუსის კიდევ ოთხი ახალი  შემთხვევა
გამოვლინდა. ჯამში დადასტურებული შემთხვევა 1003-მდე გაიზარდა. მათ
შორის გამოჯანმრთელებულია - 873 ადამიანი.
საქართველოში კორონავირუსის კიდევ ოთხი ახალი  შემთხვევა გამოვლინდა. ჯამში დადასტურებული შემთხვევა 1003-მდე გაიზარდა. მათ შორის გამოჯანმრთელებულია - 873 ადამიანი.
10:32 / 15.07.2020
სხვა ამბები
ლაგოდეხელი 17 წლის ერეკლე თურქაძე, ინტერნეტ-სერიალ ,,ნინველში’’ მთავარ როლზე დაამტკიცეს. ამის შესახებ დამწყები მსახიობი თავად გვესაუბრება.
18:03 / 26-06-2020
კორონავირუსის გავრცელების პრევენციის მიზნით, განათლების სისტემა დისტანციური სწავლების ფორმატზე გადავიდა.
13:32 / 25-06-2020
აბიტურიენტებმა ეროვნული გამოცდების წერა შესაძლოა, პირბადის გარეშე შეძლონ
18:14 / 24-06-2020
გიორგი ლეონიძის შთაგონების წყარო სოფელი პატარძეული იყო და მისი „ნატვრის ხის“ პერსონაჟებიც პატარძეულელები არიანო - ამბობს პოეტი რომან ზუკაკიშვილი.
14:27 / 24-06-2020
ავთანდილ თუნიაშვილი დღემდე ინახავს გასული საუკუნის 50-იანი წლების სიგელებსა და აფიშებს. მისი თქმით, ალბათ, ბევრმა არ იცის, რომ გურჯაანში ქართული ქორეოგრაფიის ფუძემდებელი შოთა თუნიაშვილია, რომლის დამსახურებაცაა რაიონში პირველი ქორეოგრაფიული ანსამბლის დაარსება.
13:20 / 24-06-2020
ხატვა ექვსი წლიდან დაიწყო და მისთვის სერიოზულ გატაცებად იქცა. უფრო ხშირად ღამით ხატავს, განსაკუთრებით კი პეიზაჟები იტაცებს. აკრილის საღებავით მუშაობს, ხშირად კი შერეულ მასალასაც იყენებს.
13:49 / 23-06-2020
ვალუტა
EUR
EUR
1
3.5049
USD
USD
1
3.0651
GBP
GBP
1
3.8715
TRY
TRY
1
0.4465
RUB
RUB
100
4.3127
ამინდი
გურჯაანი 21 / 32 °C
img
საგარეჯო 20 / 29 °C
img
დ.წყარო 19 / 28 °C
img
სიღნაღი 21 / 34 °C
img
ლაგოდეხი 19 / 30 °C
img
ყვარელი 21 / 32 °C
img
თელავი 20 / 31 °C
img
ახმეტა 19 / 31 °C
img
კალენდარი
«« ივლისი 2020 »»
2930 1 2 3 4 5
6 7 8 9 10 11 12
13 14 15 16 17 18 19
20 21 22 23 24 25 26
27 28 29 30 31 12

speqtri.ge შენი ვებგვერდი


მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.