გასულ წელთან შედარებით სიღნაღში ტურისტების რაოდენობა გაიზარდა. ამის შესახებ speqtri.ge-ს ტურიზმის, საგარეო ურთიერთობების და საერთაშორისო პროექტების განყოფილების ხელმძღვანელმა გიგა შუშტაკაშვილმა განუცხადა.
30 აპრილის მონაცემებით ტურიზმის საინფორმაციო ცენტრში 1733 ვიზიტორი დარეგისტრირდა, გასულ წელს კი ანალოგიური პერიოდის მაჩვენებელი 1435-ს შეადგენდა.

-„ყველაზე მეტი სტუმარი გვყავდა რუსეთიდან, გერმანიიდან, პოლონეთიდან და ამერიკიდან. მინდა აღვნიშნო, რომ ტურისტების რაოდენობამ იმატა ევროპის ქვეყნებიდან. ვიზიტორები ინტერესდებიან კულუტურულ-ისტორიული ძეგლებით, მუზეუმით, ციხე-გალავანით, ასევე კულინარიით, ღვინითა და ზოგადად ქართული კულტურით, არის გართობის სხვადასხვა საშუალებები. ჩამოსულ სტუმრებს სიახლეებს სთავაზობს კერძო ბიზნესიც. შენდება ახალი სასტუმროები. ყოფილი ტურბაზის ადგილას  მალე დასრულდება სასტუმროს მშენებლობა, “-აღნიშნა შუშტაკაშვილმა.

მისივე თქმით, ტურიზმის განვიათარებში არამარტო ქალაქი სიღნაღია ჩართული, არამედ სოფლებიც. სოფელ ვაქირში გაიხსნა ტრადიციული საოჯახო კვების ობიექტი, ასევე ნუკრიანში რამდენიმე ტურისტული ობიექტი ფუნქციონირებს.