თუშეთის ადმინისტრაციულ ერთეულში ახმეტის მუნიციპალიტეტის მერის
წარმომადგენლის ლადო კახოიძის ინფორმაციით, თუშეთის საავტომობილო
გზაზე 16 ადამიანია ჩარჩენილი.
ყველა მათგანი ამ დროისთვის ე.წ. საგზაო სახლში იმყოფება და მათ
სიცოცხლეს საფრთხე არ ემუქრება.
-"10 მწყემსია და 6 ის ადამიანი, რომლებიც ფშაველი-აბანო-ომალოს გზის
გაწმენდის სამუშაოებს ახორციელებენ. ისინი გზის 30-ე კილომეტრზე, ე.წ.
საგზაო სახლში იმყოფებიან, კარგად არიან, უბრალოდ იქ ტელეფონი არ
იჭერს და კონტაქტზე ვერ გავდივართ. საჭიროების შემთხვევაში მათი ბარში
ჩამოსაყვანად შესაბამისი ზომები იქნება მიღებული“ - აღნიშნა
კახოიძემ.
ცნობისთვის, სტიქიის შედეგად ადიდებულმა მდინარე სტორმა თუშეთის
საავტომობილო გზის ნაწილი, დაახლოებით 150 მეტრი წაიღო.
მასალის გამოყენების პირობები