თელავში 35 წლამდე ასაკის მამაკაცი აცხადებს, რომ ავტოსადგურის მიმდებარე ტერიტორიაზე, 2000 ლარამდე თანხა მოჰპარეს.
როგორც ამ ტერიტორიაზე მდებარე კომერციულ ობიექტებში მომუშავე პერსონალი ამბობს, მამაკაცმა მათ უთხრა, რომ ფული ჩაკეტილი მანქანიდან აიღეს.
ადგილზე იმყოფებოდნენ სამართალდაცველები.

speqtri.ge-ს შსს-ს პრესსამსახურში განუცხადეს, რომ კახეთის პოლიციის დეპარტამენტის თელავის რაიონულმა სამმართველომ გამოძიება სისხლის სამართლის კოდექსისი 177-ე მუხლით დაიწყო, რაც ქურდობას გულისხმობს.