გურჯაანში აბონენტების ნაწილს ბუნებრივი აირი არ მიეწოდება. ჩვენი ინფორმაციით, ტრაქტორმა სოფელ ველისციხეში ცენტრალური გაზსადენი დააზიანა.
როგორც სოკარგაზში ამბობენ, ცენტრალური მაგისტრალის აღდგენითი სამუშაოები დაწყებულია. ქალაქის მოსახლეობას გაზმომარაგება ეტაპობრივად დღეს 18:00 საათიდან აღუდგება, სოფლებში კი პრობლემა სავარაუდოდ ხვალიდან აღმოიფხვრება.