მძღოლები ვიდეოჯარიმის გადახდას შსს-ს ოფიციალურ ვებგვერდზე შეძლებენ
მოქალაქეთა მომსახურების გაუმჯობესების მიზნით შსს ტექნოლოგიური
სიახლეების დანერგვას აგრძელებს. უწყების ინფორმაციით, სამინისტროს
ოფიციალურ ვებგვერდს - POLICE.GE დაემატა ინოვაციური სერვისი -
ვიდეოჯარიმების ონლაინ გადახდის ფუნქცია.
ამიერიდან, მძღოლები ვიდეოჯარიმის გადახდას უკვე სამინისტროს
ოფიციალურ ვებგვერდზეც შეძლებენ, ერთი პლატფორმის პრინციპით. კერძოდ,
სამინისტროს ოფიციალურ ვებგვერდზე - police.ge, ე.წ. ჯარიმების
კაბინეტს დაემატა ჯარიმის გადახდის ფუნქცია. აღნიშნული ფუნქცია
მოქალაქეებს საშუალებას აძლევს, ვებგვერდზე ნახონ ვიდეოჯარიმის
სტატუსი და მისი არსებობის შემთხვევაში, ამავე გვერდზე, ყველაზე
დაბალი საკომისიო გადასახადით - 1%, შეძლონ საჯარიმო ქვითრის
გადახდა.
მასალის გამოყენების პირობები