საზოგადოება
ახალგაზრდული საბჭო - თავისუფალი სივრცე გურჯაანელი ახალაგაზრდებისთვის [Photo]
გურჯაანელი ახლაგაზრდები თამუნა, მარიამი, ლიზა და მიშიკო ახალგაზრდულმა საბჭომ გააერთიაანა. მათი მიზანი ერთია - გურჯაანის გამოცოცხლება და საკუთარი თავის განვითარება.
საბჭოში დღეს 80-მდე ახალგაზრდაა, 13-დან 26 წლამდე. მიღება წელიწადში ერთხელ ცხადდება და ახალ წევრებს თავად საბჭოს წევრები ირჩევენ.

ახალგაზრდები ხუთ კლუბში ერთიანდებიან: კულტურის, განათლების, სპორტის, ტურიზმის და ეკოლოგიის.
წერენ პროექტს, რომელსაც ხან ადგილობრივი ბიუჯეტი და ხანაც სხვა რომელიმე ფონდი უფინანსებთ.

პროექტის წერა ადგილობრივი თვითმმართველობის მიერ დაგეგმილ შეხვედრაზე ისწავლეს.

საბჭოს შექმნის იდეა გურჯაანის მაჟორიტარ დეპუტატს დავით სონღულაშვილს ეკუთვნის. ეს ჯგუფი 2017 წელს ჩამოყალიბდა. მისი წევრები თავისუფალ დროს გურჯაანის ბიბლიოთეკაში იკრიბებიან. პროექტი დაწერეს, მცირე გრანტი მოიპოვეს და ახალგაზრდული სივრცე თავადვე მოაწყეს.

ახალგაზრდების თქმით, იმ ფონზე, როდესაც რეგიონებში თბილისისგან განსხვავებით, გასართობი ადგილები ნაკლებადაა, ახლაგაზრდული საბჭოს არსებობა, მეტად მნიშვნელოვანია.

ლიზა ოდიშელიძე, #4 საჯარო სკოლის მეთორმეტე კლასის მოსწავლე:


-„ერთი წელია, რაც საბჭოში ვარ. ბევრ პროექტში ვართ ჩართული. რაც ყველაზე სამახსოვრო იყო, გასულ წელს კურორტ ახტალაზე მოვაწყეთ ოთხმოცდაათიანების ფართი, რაც კულტურის კლუბის ინიციატივა იყო. ასევე ჩართული ვართ მერიის მიერ განხორციელებულ პროექტებშიც. ვმონაწილეობდით ხილის ფესტივალში, შემდეგ საჩუქარი გაგვიკეთეს და გომის მთაზე ორდღიან ექსკურსიაზე გაგვგზავნეს. “

მიშიკო ხვთისიაშვილი ბაკურციხის საჯარო სკოლის მეთორმეტე კლასის მოსწავლეა. ის ფლექსის გაცვლითი პროგრამის გამარჯვებულია და სწავლას ამერიკაში აგრძელებს. ამბობს, რომ ახალგაზრდულმა საბჭომ თავისი თავის წარმოჩენის შესაძლებლობა მისცა. პრიფესია უკვე აირჩია, აპირებს კომპიუტერულ ტექნოლოგებზე ჩაააბროს.



-„საბჭოში დემოკრატია გვაქვს, ვისაც რა დროს სცალია, იმ დროს ვიკრიბებით. გააჩნია რა პროექტს ვახორციელებთ, შეიძლება 2 კვირის განმავლობაში ყოველდღე შევხვდეთ ერთმანეთს. მე სპორტის კლუბის ლიდერი ვარ. დავწერეთ პროექტი, რომელიც დაგვიფინანსდა, შევღებეთ სანაპიროს ქუჩაზე არსებული სტადიონი და ჩავატარეთ ტურნირი სპორტის სხვადასხვა სახეობაში. როდესაც ამერიკიდან დავბრუნდები, ისევ გავაგრძლეებ საბჭოში საქმიანობას, რადგანაც გუნდური მუშაობა და აქტიური ცხოვრება დიდ სიამოვნებას მანიჭებს.“

თამუნა ზირაქაშვილს მომავალი პროფესია უკვე არჩეული აქვს, ბიზნენის სპეციალობაზე ჩაბარებას აპირებს. ის ამბობს, რომ ახალგაზრდულმა საბჭომ საკუთარი თავი აპოვნინა, დაანახა, თუ რისი გაკეთება სურს და რა შეუძლია.



„დამებადა იდეა, რომ ეროვნულ გმირებზე გამეკეთებინა პროექტი: „გაიცანი შენი ეროვნული გმირები“. ამ ადამიანებზე ზოგმა საერთოდ არაფერი იცის. პროექტი ამჟამადაც მიმდინარეობს, გამოვაცხადეთ მოხალისეობა, ვაკეთებთ ვიდეოებს თითოეული გმირის შესახებ. ასევე ვგეგმავთ დიდ შეხვედრას სკოლის მოსწავლეებთან და ადგილობრივი თვითმმართევლობის წარმომადგენლებთან. გვაქვს ინიციატივა, რომ გურჯაანის ქუჩებს მიენიჭოს ამ გმირების სახელები. ახალგაზრდულმა საბჭომ იმდენად დიდი გამოცდილება მომცა, რომ რთულია ეს დავივიწყო. აქ ჩემი თავი ვიპოვე. როდესაც სტუდენტი გავხდები, აქედან არ წავალ და თავისუფალ დროს ისევ ვიაქტიურებ. როცა უკვე ჩემი პროფესია მექნება, თუ ეს საბჭოს რამეში დაეხმარება, ამისთვისაც მზად ვარ,“.

მარიამ წანაწყენიშვილი წელს სამედიცინო უნივერსიტეტის სტუდენტი გახდა. საკუთარი სამედიცინო კლინიკის გახსნაზე ოცნებობს. ამბობს, რომ სტუდენტობის და დატვირთული გრაფიკის მიუხედავად ისევ აქტიურად აპირებს ახალგაზრდულ საბჭოში მოღვაწეობას.



-„ახალგაზრდულ საბჭოში ყოფნამ ჩემი თავის რწმენა შემმატა. როცა არ ვიყავი აქ და რაიმე იდეა მქონია, ვფიქრობდი, რომ განხორციელება არ შემეძლო. 2018 წლიდან ვარ საბჭოს წევრი და ჩართული ვარ თითქმის ყველა აქტივობაში, მაგრამ მაინც გამოვყოფდი „ღვინის ფესტივალსა“ და „საახალწლო ქალაქს“, სადაც ჩვენ, ბავშვები, მოხალისეების სტატუსით ვიყავით ჩართულები.“
ახალგაზრდული საბჭოს მიერ მოპოვებული დაფინანსებით, წელს მუნიციპალიტეტის რამდენიმე სკოლაში განთავსდა ე.წ. მწვანე ყუთები, მაკულატურისთვის, რომელსაც შემდეგ გაყიდიან და ისევ სკოლის საჭიროებებს მოახმარენ." 

მას, ვისაც რაიმე იდეა აქვს, ან სურს აქტიურად ჩაერთოს სხვადასხვა სახის ღინისძიებაში, ახალგაზრდული საბჭოს წევრები თავის გუნდში ეპატიჟებიან.

| Print |  E-mail
FaceBook Twitter Google
ამავე კატეგორიაში
დღეს საქართველოს უნივერსიტეტმა თელავის რეგიონულ ოფისში ბიბლიოთეკა
გახსნა.
დღეს საქართველოს უნივერსიტეტმა თელავის რეგიონულ ოფისში ბიბლიოთეკა გახსნა.
16:33 / 21.02.2020
წნორში საგანგებო სიტუაციების კოორდინაციისა და გადაუდებელი
დახმარების ცენტრის მშენებლობა დასასრულს უახლოვდება.
წნორში საგანგებო სიტუაციების კოორდინაციისა და გადაუდებელი დახმარების ცენტრის მშენებლობა დასასრულს უახლოვდება.
15:02 / 21.02.2020
გარემოს ეროვნული სააგენტოს ინფორმაციით, დღეს და ხვალ საქართველოში
მოსალოდნელია თბილი და უმეტესად უნალექო ამინდი. ჰაერის ტემპერატურა
დღის საათებში დაბლობსა და ბარში +11, +16 გრადუსის ფარგლებში
დაფიქსირდება.
გარემოს ეროვნული სააგენტოს ინფორმაციით, დღეს და ხვალ საქართველოში მოსალოდნელია თბილი და უმეტესად უნალექო ამინდი. ჰაერის ტემპერატურა დღის საათებში დაბლობსა და ბარში +11, +16 გრადუსის ფარგლებში დაფიქსირდება.
12:53 / 21.02.2020
დღეს გურჯაანის საჯარო ბიბლიოთეკაში ნატოსა და ევროკავშირის შესახებ
საინფორმაციო ცენტრის ორგანიზებით და შეერთებული შტატების
მხარდაჭერით, შეხვედრა გაიმართა.
დღეს გურჯაანის საჯარო ბიბლიოთეკაში ნატოსა და ევროკავშირის შესახებ საინფორმაციო ცენტრის ორგანიზებით და შეერთებული შტატების მხარდაჭერით, შეხვედრა გაიმართა.
15:53 / 20.02.2020
დღეს საკრებულოს სხდომაზე გურჯაანის მუნიციპალიტეტის ბიუჯეტში
განსახორციელებელი ცვლილებები განიხილეს.
დღეს საკრებულოს სხდომაზე გურჯაანის მუნიციპალიტეტის ბიუჯეტში განსახორციელებელი ცვლილებები განიხილეს.
13:32 / 20.02.2020
სხვა ამბები
ახაშნის საჯარო სკოლის ვაჟ ხელბურთელთა გუნდი „ჩვენებურები“ კახეთის სასკოლო ოლიმპიადის გამარჯვებული გახდა. მათ ფინალში ლაგოდეხის გუნდი 8:5 დაამარცხეს.
11:57 / 21-02-2020
2020 წლის ერთიანი ეროვნული გამოცდებისთვის რეგისტრაცია მარტის პირველ ნახევარში დაიწყება და რამდენიმე კვირას გასტანს.
13:26 / 20-02-2020
თბილისში გამართულ კიკბოქსინგის და კრივის რესპუბლიკურ ტურნირზე, სიღნაღელმა სპორტსმენებმა ექვსი პირველი ადგილი აიღეს.
15:12 / 18-02-2020
თბილისში14-16 თებერვალს გამართულ კიკბოქსინგის რესპუბლიკურ ტურნირზე ახმეტელმა სპორტსმენებმა ოთხი პირველი9 და ორი მეორე ადგილი აიღეს.
16:50 / 17-02-2020
გურჯაანის მუნიციპალიტეტის 7 საჯარო სკოლის მოსწავლეებს ა(ა)იპ „გურჯაანის სპორტულმა გაერთიანებამ“ სპორტული ფორმები გადასცა.
15:48 / 14-02-2020
განათლების სამინისტრო პროექტ „ახალი სკოლის მოდელის“ ფარგლებში რესურსცენტრების როლის გაძლიერებას აპირებს.
16:05 / 12-02-2020
ვალუტა
EUR
EUR
1
3.0571
USD
USD
1
2.8299
GBP
GBP
1
3.6537
TRY
TRY
1
0.4633
RUB
RUB
100
4.3980
ამინდი
გურჯაანი 3 / 12 °C
img
საგარეჯო 2 / 10 °C
img
დ.წყარო 2 / 7 °C
img
სიღნაღი 3 / 12 °C
img
ლაგოდეხი 2 / 11 °C
img
ყვარელი 3 / 12 °C
img
თელავი 3 / 12 °C
img
ახმეტა 2 / 12 °C
img
კალენდარი

speqtri.ge შენი ვებგვერდი


მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.