გურჯაანის მერიამ საკრებულოს დეპუტატების მოთხოვნა გაითვალისწინა და მომავალი წლის ბიუჯეტში ცვლილებები შეიტანა.

ცვლილების თანახმად, დაფინანსება გაეზარდა მხოლოდ სკოლამდელ სააღმზრდელო დაწესებულებას, სოციალურ და დასუფთავების სამსახურს.
2020 წლის ადგილობრივი ბიუჯეტი სულ 15 მილიონ 810 ათასი ლარით განისაზღვრა. აქედან სოციალური მიმართულებით - 644 ათასი, დასუფთავებაზე - მილიონ 273 ათასი, ხოლო სკოლამდელ აღზრდაზე 2 მილიონ 800 ათასი ლარი დაიხარჯება.