ევროპული სტანდარტების მანქანა კახეთში მხოლოდ სიღნაღის სახანძროს გადაეცა
საგანგებო სიტუაციების მართვის სამსახურის უფროსმა, თემურ
მღებრიშვილმა და მისმა მოადგილემ, ლევან ღირსიაშვილმა, სიღნაღის
მუნიციპალიტეტის სახანძრო-სამაშველო სამსახურს ახალი, ევროპული
სტანდარტების შესაბამისი ავტომანქანა გადასცეს.
ამ ეტაპზე კახეთში ახალი მანქანა მხოლოდ სიღნაღის მუნიციპალიტეტს
ექნება.
„ახალი ივეკო-მაგირუსი გადავეცით სიღნაღის მუნიციპალიტეტის
სახანძრო-სამაშველო სამსახურს. ასევე იგეგმება თბილისში, 3 ფორდ
კარგოს ამოღება, განახლება და კახეთისთვის გადაცემა. გადაწყდება,
კონკრეტულად რომელ მუნიციპალიტეტებზე გადანაწილდება ეს მანქანები.“ -
განუცხადეს speqtri.ge-ს საგანგებო სიტუაციების მართვის
სამსახურში.
ევროპული სტანდარტის სახანძრო მანქანები შექმნილია სპეციალურად
საქართველოსთვის. ისინი აღჭურვილია მაღალი და დაბალი წნევის ტუმბოთი,
აქვს 4,5-ტონიანი წყლის ავზი და 300-ლიტრიანი ქაფის ავზი. მანქანაში,
ასევე, დამონტაჟებულია ყველა საჭირო სახანძრო-სამაშველო აღჭურვილობა.
ის სრულად ავტომატიზირებულია, თუმცა, საჭიროების შემთხვევაში,
შესაძლებელია მისი მექანიკური მართვა.
ფოტო: სიღნაღის მუნიციპალიტეტის
მერია
მასალის გამოყენების პირობები