ყვარლის მუნიციპალიტეტის სოფ. ზინობიანის მოსახლეობამ აქცია გამართა.
ისინი სოფლის კუთვნილი საძოვრების გაახვისებას აპროტესტებდნენ.
მათი თქმით, 50 ჰექტარი საძოვარი 2000 წელს მათ 49 წლიანი იჯარით
გადაეცათ და გადასახადსაც იხდიდნენ. თუმცა როგორც მოგვიანებით გაირკვა
საძოვრების ნაწილი 2016 წელს აუქციონზე მათგან მალულად გაიყიდა.
მოსახლეობამ სადაო საკითხთან დაკავშირებით სასამართლოს 5 წლის წინ
მიმართა, თუმცა ამ დრომდე გადაწყვეტილება არაა მიღებული.
აქციის მონაწილეებს ყვარლის მუნიციპალიტეტის მერი შეხვდა. მისი
განმარტებით 2000 წელს იჯარით გაცემულ სსაძოვარზე სავარაუდოდ
მონაცემთა ბაზაში რეგიატრაცია არ არსებობდა რის გამოც ეკონომიკის
სამინისტრომ 2016 წელს გაასხვისა. როსტომ სესიაშვილი აქციის
მონაწილეებს გასხვისების საკითხში გარკვევას და ინფორმაციის მიწოდებას
დაპირდა.
მასალის გამოყენების პირობები