გურჯაანის მუნიციპალიტეტის მერიის ინფორმაციით, გურჯაანის აგრარულ
ბაზარში, კორონავირუსის გავრცელების პრევენციის მიზნით, ყოველდღიური
დასუფთავების სამუშაოების დასრულების შემდეგ, ტერიტორია სპეციალური
სადეზინფექციო ხსნარით მუშავდება.
მათივე ინფორმაციით, არ გაიმართება ველისციხის საკვირაო ბაზრობა.
„პრემიერ-მინისტრის განკარგულებით, ხვალიდან იკრძალება საკვირაო
ბაზრები. ეს შეზღუდვა ეხება სოფელ ველისციხეში არსებულ საკვირაო
ბაზარს.“ - აღნიშნულია მერიის განცხადებაში.
შეგახსენებთ, რომ საქართველოში კორონავირუსის შიდაგავრცელების
პრევენციის მიზნით საგანგებო მდგომარეობა 21 მარტს
გამოცხადდა.
მასალის გამოყენების პირობები